ГЕМОБИЛИЯ (Haemobilia; аз гемо… ва bilis – талха), аз талхароҳа ба роҳи меъдаю рӯдаҳо шоридани хун. Дар мавриди осеби пӯшидаи талхадон ва ҷигар, бемории санги талха, холесистит, саратон, думбал ва гемангиомаи ҷигар, аневризмаи артерияи ҷигар ва ғ. мушоҳида мешавад. Г. имкон дорад дар вақти пунксия (биопсия)-и ҷигар низ рух намояд. …

ГЕМОБЛАСТОЗ (Haemoblastosis; аз гемо… ва blastos – ҷанин), бемориҳои омосии силсилаи хун. Ба Г. лейкоз, полиситемия, бемории миеломӣ ва ғ. мансубанд. Онҳо ба узвҳои хунофар осеб расонда, ҷараёни ҳосил шудани хунро халалдор месозанд.

ГЕМОГЛОБИН (Hb; Haemoglobinum; аз гемо… ва лот. globus – кура), пигменти асосии нафаскашии одам, ҷонварони мӯҳрадор ва бисёр ҳайвоноти бемӯҳра; дар таркиби эритроситҳо мавҷуд буда, оксигенро аз узвҳои нафас ба бофтаҳо ва гази карбонатро аз бофтаҳо ба узвҳои нафас интиқол медиҳад. Молекулаи Г., ки сафедаи мураккаб аст, аз қисми сафедавии …

ГЕМОГЛОБИНЕМИЯ (Haemoglobinaemia; аз гемоглобин ва haima – хун), дар плазмаи хун зиёд будани миқдори гемоглобини озод. Дар таркиби плазмаи хуни одамони солим миқдори гемоглобинҳои озод кам аст (10 – 40 г/л). Онҳо гемоглобини эритроситҳо мебошанд, ки сикли ҳаёти худро ба охир расондаанд. Дар таркиби плазмаи хун миқдори гемоглобини озод аз …

ГЕМОГЛОБИНОМЕТРИЯ (аз гемоглобин ва юн. metreo – чен кардан), муайян кардани миқдор (консентратсия)-и гемоглобини хун. Г. чанд хел мешавад: колориметрӣ, газометрӣ ва усулҳое, ки ба муайян кардани миқдори оҳан дар таркиби хун асос ёфтаанд. Дар амалияи клиникӣ бештар аз усули колориметрӣ истифода мекунанд; он ба қобилияти гемоглобини хун, ки ҳангоми …

ГЕМОГЛОБИНОПАТИЯ (Haemoglobinopathia; аз гемоглабин ва юн. pathos – дард, беморӣ), гемоглобинозҳо, гурӯҳи бемориҳои ирсиро гӯянд, ки ба ихтилоли сохт ва ҳосил шудани гемоглобин вобаста аст. Гемоглобин моддаи рангбахши хун буда, дар таркиби эритроситҳо мавҷуд аст; вай ба оксиген пайваст шуда, онро ба бофтаҳои организм бурда мерасонад. Агар гемоглобин нуқси зиёд …

ГЕМОГЛОБИНУРИЯ (аз гемоглобин ва юн. uron – пешоб), дар пешоб мавҷуд будани гемоглобини озод. Г. ба гемолиз андаруни рагҳо асос ёфта, гемоглобин ба тавассути гурдаҳо хориҷ карда мешавад. Оид ба Г. ҳамон вақт метавон хулоса баровард, ки агар дар пешоб дар сурати мавҷуд будани гемоглобин эритроситҳо вуҷуд надошта бошанд. Дар …

ГЕМОГРАММА (аз гемо… ва юн. gramma – навиштан), натиҷаи санҷиши миқдорӣ ва сифатии хун. Дар Г. миқдори эритроситҳо дар 1 мкл хун, бузургӣ, шакл ва ранги онҳо, адади ретикулоситҳо, гемоглобин ва нишондоди рангӣ, ҳаҷми миёнаи эритроситҳо, миқдори миёнаи гемоглобин дар эритроситҳо, миқдори лейкоситҳо дар 1 мкл хун, таносуби намудҳои гуногуни …

ГЕМОДИАЛИЗ (аз гемо… ва юн. dialysis – таҷзия, ҷудо шудан), усули берун аз гурда тоза намудани хун. Г.-ро ҳангоми иллати шадид ва музмини гурдаҳо, заҳролудӣ аз спирт, дору ва моддаҳои химиявӣ (агар аз мембранаи гемодиализӣ гузаранд), ихтилоли таркиби электролизии хун ва ғ. кор мефармоянд. Ҳангоми А. аз организм маҳсули зарарноки …

ГЕМОЛИЗ (Haemolysis; аз гемо… ва юн. lusis – таҷзия), хароб гаштани эритроситҳо, ки дар натиҷа гемоглобини онҳо озод мешавад. Зимни Г. хун ба моеъи тунуки сурх табдил меёбад. Г. дар хун (Г.-и дохили раг) ва узвҳо (Г.-и дохили ҳуҷайра) ба вуҷуд меояд. Ҳамчун раванди мӯътадил бештар Г.-и дохилиҳуҷайравӣ ба мушоҳида …