АНГИОПУЛМОНОГРАФИЯ, ангиопневмография, тадқиқи рентгенологии рагҳои хунгардиши хурд. Ҳангоми А. ба раг моддаи контрастӣ мефиристанд (верографин, урографин, кардиотраст ва ғ.). А. бо мақсади омӯзиши фаъолият ва сохтори анатомии рагҳои шуш дар мавриди бемориҳои гуногун ба амал оварда мешавад. А.-ҳои умумӣ ва интиҳоиро фарқ мекунанд. Ҳангоми А.-и умумӣ моддаи контрастиро ба венаи …

АНГИОСАРКОМА (Angiosarcoma), омоси рагҳо. Табиати саратонӣ дошта, кам ба мушоҳида мерасад. Тақр. 60%-и беморӣ пӯст ва бофтаҳои нарм, тақр. 40%-и он ҷигар, устухонҳо, сипурз ва ғадуди ширро фаро мегирад. Ҳама навъи А.-ҳо аз ҳуҷайраҳои эндотелий ба вуҷуд меоянд. А., одатан, дар сар, гардан, қисми мӯйдори сар, баъзан дар ҷоғи боло …

АНГИОСПАЗМ (аз ангио… ва спазм), ихтилоҷи артерияҳои майда, ки дар натиҷа гардиши хун дар узву бофтаҳо суст мешавад. А. ҳангоми бемориҳои фишорбаландӣ, шақиқа, стенокардия ва ғ. падид меояд. Сабаби А. метавонад сактаи майна, сактаи дил ва диг. бемориҳо бошанд. Дар натиҷаи А. девораи рагҳо дучори тағйирот мегардад (атеросклероз).

АНГИОСТОМИЯ (аз ангио ва … стомия), вазостомия, яке аз усулҳои ҷарроҳӣ. А.-ро олимон Фелкер ва Белфилд бо мақсади муолиҷаи илтиҳоби манидон пешниҳод кардаанд. Ҷарроҳӣ зери беҳиссозии ҷузъӣ (мавзеӣ) гузаронида мешавад. Бурриши ҷойи амалиёт калон нест (4 – 5 см).

АНГИШТИ ФАЪОЛ (Carbo acitivatus), ангишти ҷозиб, ангишти ба таври махсус коркарда, ки қобилияти пайваст кардани газ, заҳр ва диг. моддаҳои фаъолро дорад. А. ф.-ро, ки мансуби ангишти сунъист, аз ангишти табиӣ ё ангишти чӯб бо роҳи нест кардани моддаҳои зифтӣ ҳосил мекунанд. Хосияти адсорбсиявии А. ф. хеле баланд аст. А. …

АНГУДОН [(Ferula foetida (≈ F. assa-foetlida)], анҷудон, анғӯза, гандабӯ, каврак, гиёҳест худрӯи бадбӯй (махсусан беху мевааш). Бехаш турбмонанд, ғафс. Пояаи рост (то 120 см қад мекашад), ғафс (қутраш 5 – 8 см) ва камшох дорад. Баргаш нарм (рӯяш бепашмак, пушташ серпашмак), зуд пажмурда мешавад; барги бехи пояаш нисбат ба баргҳои …

АНГУР меваест маъмул. Дар Тоҷикистон 211 навъи А. парвариш меёбад. А.-ро барои тархӯрӣ, афшурагирӣ ва мавиз хушконидан, пухтани мураббо, ширинӣ ва майкашӣ истифода мебаранд. Дар таркиби А. қанд, туршӣ, витаминҳои А, С, В, моддаҳои пектинӣ, намакҳои минералии калий, калсий, магний, фосфор, оҳан, манган мавҷуд аст. Афшураи А. мубодилаи моддаҳоро дар …

АНГУРАК (Rhamnus cathartica), сиёҳбодом, олучаи хирсак, бутта ё дарахтест сершоху барг. То 8 м қад мекашад. Баргаш байзашакл ё мудаввар. Гулаш майдаи сабз, зардтоб. Мевааш сероб, курашакли сиёҳ, донакаш сиёҳтоб, байзашакл. Май – июн гул карда, июл – сент. мева мебандад. Дар қади сойҳо, соҳилҳои баланди дарёҳо, буттазор, туғайзор мерӯяд. …

АНГУРҒӯРА, самари хоми ангур, ки таъми турш дорад; ангури норасида. А. дар тибби халқӣ фаровон истифода мешавад. Бино ба ақидаи табибони мардумӣ хӯрдани А. ҷӯшиши зардаро мегардонад, балғами дар меъда пайдошударо меканад, ҷигарро қувват медиҳад, ташнагиро шикаста ба ҷисм неру мебахшад. А.-и хушкро кӯфта банданд, бӯи арақи баданро рафъ месозад, …

АНГУШТ, қисми интиҳои дасту пои одам ва ҳайвонот. А.-и одам бинобар рост будани қомат ва ба узви корӣ табдил ёфтани даст куллан тағйир ёфтааст. А. қисми муҳими даст буда, барои доштани чиз, иҷрои амал ва ғ. хидмат мекунад. Сарангушт вазифаи идора карданро ба ҷо меорад, А.-и саббоба (А.-и ишорат) пас …