ГЕМОСИДЕРОЗИ ПӯСТ (Haemosiderosis cutis; аз гемо… ва юн. sideros – оҳан), иллати пӯст, ки бинобар афзудани нуфузпазирии капиллярҳо ва дар пӯст таҳшон шудани пигменти гемосидерин ба вуҷуд меояд. Дар мавриди Г. п. дар пӯсти по доғҳои ҷигарии бӯртоб пайдо мешаванд. Г. п. якумин ва дуюминро фарқ мекунанд. Дар инкишофи Г. …

ГЕМОСОРБСИЯ (аз юн. гемо… ва лот. sorbere – ҷаббидан, фурӯ бурдан), усули аз организм берун кардани моддаҳои заҳрнок. Бо истифода аз асбоби махсус хуни беморро ба сорбентҳо мегузаронанд. Сарбентҳо қодиранд моддаҳои заҳрноки таркиби хунро ҷаббида, пурра нигоҳ доранд. Аксар вақт ба сифати сорбентҳо ангишти фаъол ё қатронҳои ионивазкунандаро кор мефармоянд. …

ГЕМОТЕРАПИЯ (аз гемо… ва терапия), бо мақсади табобат ба организм фиристодани хун ва унсурҳои он – плазма, массаҳои эритроситӣ, лейкоситӣ ва тромбоситӣ. Г.-ро асосан дар мавриди анемия, талафи хун, гранулоситопения, тромбоситопения кор мефармоянд. Дар амал ҳамчунин доруҳои аз хун таҳияшударо низ истифода мебаранд, мас., албумин, фибриноген, гамма-глобулин, тромбин ва ғ. …

ГЕМОТОКСИНҲО (аз гемо… ва токсинҳо), моддаҳое, ки нуфузпазирии пардаи эритроситҳоро халалдор сохта, боиси гемолиз мешаванд. Г.-и наботӣ ва ҳайвониро фарқ мекунанд. Ба Г.-и ҳайвонӣ заҳри ҳашарот ва морҳо, агглютининҳои мӯътадили хун, ки ҳангоми фиристодани хуни номувофиқ боиси гемолиз мешаванд, мансуб мебошанд. Ба Г.-и наботӣ сапонин, ритсин ва ғ. тааллуқ доранд. …

ГЕМОТОРАКС (Haemothorax; аз гемо… ва юн. thorax – сандуқи сина), дар ҷавфи плевра (пардаи шуш) ғун шудани хун. Бисёр вақт дар натиҷаи хуншории дохилӣ ҳангоми осеби пӯшида ё кушодаи сина, баъди ҷарроҳии узвҳои сандуқи сина, гоҳо дар мавриди омосҳои саратонии шушпарда, шуш, сили аъзои нафас ва диг. бемориҳо пайдо мешавад. …

ГЕМОФИЛИЯ (Haemophilia; аз гемо… ва philia – майл), бемории ирсӣ, ки ба он хунравии аз эътидол зиёд хос аст; яке аз шаклҳои диатези хунрез. Г. аз норасоии омиле, ки барои бастани хун зарур аст, пайдо мешавад. Ба Г. фақат мардон гирифтор мешаванд, зеро ки онро аз модари зоҳиран солими худ …

ГЕМОФТАЛМ (аз гемо… ва юн. ophthalmos – чашм), дар ҷавфи ғӯзаи чашм ғун шудани хун. Сабаби он осеби чашм ва бемориҳои умумӣ (бемории гиппертония, диабети қанд ва ғ.) мебошанд. Хуне, ки ба ҷисми шишамонанд рехтааст, тадриҷан ҷаббида мешавад. Дар аснои Г. баъзан бинобар ҳамроҳ шудани зуком шабакияи чашм кӯчида, боиси …

ГЕМОХРОМАТОЗ (аз гемо… ва юн.chroma, chromatos – ранг), сидерофилия, диабети биринҷӣ, сиррози пигментӣ, бемории ирсӣ, ки боиси ихтилоли мубодилаи оҳан ва аз роҳи ҳозима бисёр ҷаббида шудану дар бофтаҳо таҳшон гаштани он мешавад. Беморӣ фақат дар мардҳо дучор меояд. Баъзан бо аломатҳои сиррози ҷигар ва диабети қанд, ҳамчунин ранги биринҷӣ …

…ГЕН (аз юн. genes – тавлидкунанда, тавлид шудан), қисми таркибии калимаҳои мураккаб, ки пайдоиш ё ҳосил шудани ягон чизро ифода мекунад, мас., гликоген.

ГЕН(юн. genos – мабдаи насл, пайдоиш), воҳиди оддитарини ирсият. Г. як қисми молекулаи кислотаи дезоксирибонуклеат – КДН (дар баъзе вирусҳо кислотаҳои рибонуклеат – КРН) мебошад. Аввалин фарзияи назариявии ба насл гузаштани нишонаҳои волидонро ҳанӯз донишмандони Юнони Қадим Демокрит, Буқрот ва диг. баён карда буданд. Аммо мавҷудияти омилҳои оддитарини ирсиро табиатшиноси …