ГАСТРОТОМИЯ (аз гастро… ва tome – буридан), амалиёти ҷарроҳиест, ки ҳангоми он ҷавфи меъдаро чок карда мекушоянд. Ниг. низ Меъда.

ГАСТРОЭЗОФАГОСТОМИЯ (аз гастро…, oisophagos – сурхрӯда ва stoma – даҳон, сӯрохӣ), амалиёти ҷарроҳиест, ки ҳангоми он байни меъда ва сурхрӯда анастомоз гузошта мешавад. Ниг. низ Меъда.

ГАСТРОЭКТОМИЯ (аз гастро… ва ektome – буридан), амалиёти ҷарроҳиест, ки ҳангоми он меъда комилан бурида дур карда мешавад. Г. яке аз роҳҳои муолиҷаи саратони меъда аст. Ниг. низ Меъда.

ГАСТРОЭНТЕРИТ (аз гастро… ва энтерит), илтиҳоби меъда ва рӯдаи борик. Г. дар натиҷаи заҳролудӣ аз хӯрок, сирояти бактерияҳо, ошомидани оби бадсифат, бемориҳои грипп, пневмония, сурхакон ва уфунат, заҳролудӣ аз металлҳои вазнин, кислотаҳо, ишқорҳо, доруҳои руҳ ва ғ. рух менамояд. Г. шадид ва музмин мешавад. Беморӣ бисёр вақт бо гастроэнтероколит ҳамроҳ …

ГАСТРОЭНТЕРОКОЛИТ (Gastroenterocolitis), дар як вақт газак гирифтани меъда, рӯдаи борик ва ғафс. Г.-и шадид дар натиҷаи сирояти баъзе бактерияҳо, вирусҳо, аз аллергия, бағоят ҳассос будан ба дору ё хӯрок, заҳролудӣ аз металлҳои вазнин, ишқор, кислота, спиртҳо ва дору ба вуҷуд меояд. Сирояти бактерияҳо сабаби асосии Г. мебошад. Кам шудани туршии …

ГАСТРОЭНТЕРОЛОГИЯ (аз гастро…, юн. enteron – рӯда ва …логия), фасли бемориҳои дарунӣ, ки сохт, вазифа, бемории узвҳои ҳозима, усулҳои ташхиси беморӣ, табобат ва пешгирии онҳоро меомӯзад. Бемориҳои узвҳои ҳозима аз қадим маълуманд. Ҳанӯз Буқрот доир ба парҳезшифоӣ ақидае баён карда буд, ки он дар инкишофи Г. аҳамияти калон дошт. Яке …

ГАСТРОЭНТЕРОСТОМИЯ (аз гастро…, enteron – рӯда ва stoma – даҳон, сӯрохӣ), амалиёти ҷарроҳиест, ки ҳангоми он байни меъда ва рӯдаи борик анастомоз гузошта мешавад. Бо мақсади паллиативӣ (ёрии муваққатӣ) дар аснои илоҷнопазир будани ногузароии баромадгоҳи меъда истифода мегардад. Ниг. низ Меъда.

ГАҲВОРА, ҷойхоби махсуси кӯдак, ки дар он бачаро аз 7 – 10 рӯзагӣ то 1,5 – 2 ва баъзан то 3-солагӣ мехобонанд. Г.-ро аз чӯби бед, чормағз, зардолу месозанд ва одатан дарозиаш 1 – 1,5 м, бару баландиаш 0,5 м мешавад. Асоси Г. рӯйбозӣ ва тагбозӣ буда, ба рӯи тагбозӣ …

ГАЧ, гаҷ, масолеҳи бинокорист, ки дар натиҷаи зери ҳарорати баланд (120 – 170°С) сӯзондани гипс ҳосил мешавад. Гипс (CaSO4 • 2H2O) дар мурдобаҳои баҳр ва кӯлҳои шӯр аз таҳшиншавии намакҳои сулфат ба вуҷуд меояд. Конҳои гипс дар водиҳои Вахш, Ҳисор ва Зарафшон мавҷуданд. Гачро дар ҳайкалтарошӣ, сохтмон ва тиб (ниг. …

ГАЧБАНДӣ, гаҷбандӣ, навъе аз бандина бо истифода аз гачи тиббӣ. Г.-ро дар мавриди осебҳои гуногун, хусусан шикастани устухонҳо, муолиҷаи бемориҳои дастгоҳи такяву ҳаракат, ҳангоми зарурат ба ноҷунбон кардани дасту по, гардан, сар ва ғ. кор мефармоянд. Асоси Г. гачи тиббӣ аст. Он хокаи маҳини сафед ё андак зардча мебошад. Дар …