Теги: Тиб

БИСТАРИГАРДОНӣ (Hospitalisatio), барои табобат ё таваллуд ба муассисаҳои табобатӣ ё таваллудхона хобондани бемор ё зани ҳомила. Б. таъҷилӣ (беморро баъди чанд соат ё ҳатто дақиқаи оғози беморӣ ба беморхона мефиристанд) ва нақшавӣ мешавад. Б.-и нақшавиро дар муддати чанд рӯз ва баъзан зиёдтар (мас., барои ташхис ба муоина фиристодани бемор ё …

БИҲӣ, себи биҳӣ (Cydonia oblonga), бутта ё дарахтест маъмул. То 10 м қад мекашад. Баргаш байзашакл ё мудаввари дарозрӯя, гулаш гулобӣ ё сафеди хушбӯй. Мевааш лӯнда, нокшакли зард, мағзаш сахт, камоб. Дар Тоҷикистон бештар навъҳои серҳосили Чиллагӣ, Нокбиҳӣ, Себбиҳӣ, Миёнапазак, Дерпазак, Кулчабиҳиро мепарваранд. Меваи тару тозаи Б. хуштаъму серғизост. Аз …

БЛАСТОМИКОЗҲО (Blastomycoses), як гурӯҳи бемориҳои музмин, ки дар пӯст, устухон ва узвҳои дарун пайдо мешаванд. Б.-ро занбӯруғҳои хамирмоя ва мисли онҳо ба вуҷуд меоранд. Б. мансуби микозҳои амиқ мебошанд. Маҳалли сукунати ангезандаҳои беморӣ хок аст. Сироят, одатан, дар мавриди бо гарду чанг нафас гирифтани спораҳои занбӯруғ сар мезанад. Ба Б. …

БЛЕННОРЕЯ (Blennorrhoea; аз юн. blennos – луоб ва rhoia – ҷорӣ шудан), бемории сироятии луобпарда (мултаҳима)-и чашм, ки ба он ихроҷи фасоди зиёд хос аст. Барангезандаи Б. бештар гонококкҳо мебошанд. Дар мавриди Б. пилки чашм варам карда, бағоят ғафс ва пӯсташ сурх мешавад, ҳангоми аз ҳад зиёд варам кардан, ранги …

БЛЕФАРИТ (Blepfaritis; аз юн. blephoron – пилк), газаки канори пилки чашм, ки аз ғизои пастсифат, камхунӣ, амрози меъдаю рӯда, бемориҳои дандон ва бинӣ, ангезиши доимии чашм бо гарду чанг, боду ғубор, ислоҳ нашудани нуқси оптикии чашм, мас., дурбинӣ ва наздикбинӣ, астигматизм ба амал меояд. Ҳангоми Б. канори пилк сурх ва …

БЛЕФАРОПЛАСТИКА (Blepharoplastica; аз юн. blepharon – пилк ва plastike – часпондан), бо роҳи ҷарроҳии тармимӣ (пластикӣ) барқарор кардани пилки чашм. Б.-ро ҳангоми осеби садамавии пилк ва нуқси модарзод (пурра ё қисман набудан)-и он ба иҷро мерасонанд. Ба Б. ҳамчунин кантотомия (чок кардани кафшераки берунии пилк барои васеъ намудани роғи чашм), …

БЛЕФАРОСПАЗМ (Blepharospasmus; аз юн. blepharon – пилк ва спазм), ташаннуҷи қисми пилкии мушакҳои даврагии чашм. Б. тонусӣ ва клонусӣ мешавад. Б.-и тонусӣ ба таври устувор пӯшида шудани пилк бинобар ташаннуҷи мушакҳои даврагии чашм аст. Он ба таври рефлексӣ ҳангоми бемориҳои чашм, иллати асаби рухсора, амрози рӯҳӣ ва ғ. ба вуҷуд …

БЛЕФАРОФИМОЗ (Blepharophymosis; аз юн. blepharon – пилк ва phimosis – ҷафс шудан), кӯтоҳ шудани роғи чашм. Сабаби Б. ба ҳам васл гаштани канори пилкҳо аст. Б. модарзодӣ ва ғайримодарзодӣ мешавад. Б.-и ғайримодарзодӣ дар натиҷаи илтиҳоб пайдо кардани конъюнктива (ниг. Конъюнктивит) сар мезанад. Б.-ро бо роҳи ҷарроҳӣ дармон мебахшанд. Бо мақсади …

БОБОЕВ Абдунаим (тав. 01. 08. 1936, деҳшурои Ёваи ноҳ. Хуҷанд), духтури муолиҷ, доктори илми тиб (1975), проф. (1976), Аълочии тандурустии Тоҷикистон. Хатмкардаи факултаи муолиҷавии ДДТТ (1958). Ходими хурди илмӣ (1958 – 68), мудири лабораторияи беҳдошти меҳнат (1968 – 79) ва мудири шӯъбаи гигиенаи Пажӯҳишгоҳи эпидемиология ва беҳдошти ш. Душанбе (1979 …

БОБОХОҶАЕВ Зикриё Муртазоевич (тав. 01. 01. 1933, ш. Хуҷанд), терапевт, доктори илми тиб (1988), проф. (1989), Аълочии нигаҳдории тандурустии ИҶШС (1983), Корманди шоистаи ҶТ (1999). Хатмкардаи ДДТТ (1960). Сардухтури беморхонаи минтақавии хоҷагии боғу токдорӣ (1960) ва сардухтури беморхонаи Чептураи ноҳ. Шаҳринав (1960 – 63). Сардухтури беморхонаи роҳи оҳан дар ш. …