Теги: Тиб

ВУЛВИТ (Vulvitis), газаки узвҳои таносули берунӣ (фарҷ) ва маҳбал. Бештар дар духтарбачаҳо ва занҳои солхӯрда дучор меояд (ба хусусиятҳои физиологӣ дар ин синну сол вобаста аст). Нишонаҳои В.: хориши атрофи фарҷ, ҳисси дард (ҳангоми роҳ гаштан зӯртар мешавад), сурх шудани пӯсти узвҳои таносул, пардаи бакорат, баъзан сатҳи дарунии рон ва …

ВУЛВОВАГИНИТ, илтиҳоби маҳбал ва узвҳои таносули берунӣ. Ба пайдоиши В. истифодаи антибиотикҳо, гормонҳо, нарасидани ҳаво ба узвҳои ҷинсӣ, риоя накардани қоидаҳои беҳдошт, аз ҳад зиёд тоза нигоҳ доштани узвҳои таносул (дар натиҷаи бисёр шустан микрофлораи муфид нест мешавад) ва ихтилоли фаъолияти тухмдонҳо мусоидат менамоянд. Ниг. низ Колпит.

ВЯЛУШКИН Борис Яковлевич (02. 03. 1937, деҳаи Малая Карайи вил. Саратови Россия – 02. 06. 1998, ш. Душанбе), духтури кӯдакон, доктори илми тиб (1980), проф. (1983). Хатмкардаи Донишкадаи 2-юми тиббии Москва ба номи Н.И. Пирогов (1960). Ординатори клиникӣ, аспирант, ходими хурди илмӣ, ходими калони илмии Пажӯҳишгоҳи педиатрии АИТ ИҶШС (1960 …

БАВОСИР (Haemorrhoё), геморрой, ба таври уқдашакл дар қисми мақъад васеъ гаштани сиёҳраги рӯдаи рост. Б. берунӣ ва дарунӣ мешавад. Ҳангоми Б.-и берунӣ сиёҳраги берунии рӯдаи рост васеъ шуда, уқдаҳои он берун мебароянд. Дар мавриди Б.-и дарунӣ сиёҳраги дарунӣ васеъ шуда, уқдаҳои он бевосита дар даруни рӯдаи рост ҷойгир мешаванд. Шах …

БАДБӯИИ ДАҲОН (Foetor ex ore), бӯи нофорамест, ки бештар ҳангоми бемориҳои милки дандон, дандонҳо, димоғ, сурхрӯда, меъда, шуш ва ғ. падид меояд. Дар баъзе мавридҳо Б. д. нишонаи диабети қанд, газаки гурда (нефрит) ё бемориҳои дигари узвҳои дарунӣ аст. Ҳангоми Б. д. барои муайян кардани сабаби пайдоиш ва бартараф намудани …

БАЗАЛИОМА (Basalioma), омоси пӯст, ки аз эпидермис ва изофаҳои ғадуди пӯст ташаккул меёбад. Асосан дар одамони солхӯрда ба вуҷуд омада, бештар дар рӯй ҷой мегирад. Омос, одатан, танҳо буда, хеле суст (дар давоми солҳо) месабзад. Б. дар ибтидо мисли гиреҳчаи сахти бедард аст; баъд тадриҷан калон шуда, ба захм табдил …

БАЙЗАБАНД (Suspensorium; аз лот. suspensus – овезон), бандинаи махсусест барои нигаҳ доштани хоя. Б. бо таъиноти духтур ҳангоми илтиҳоби хояҳо (ниг. Орхит) ва зоидҳои онҳо (ниг. Эпидидимит), васеъ шудани сиёҳрагҳои танобаки манӣ ва баъди ҷарроҳии узвҳои хоядон истифода мешавад. Дар вақти баъзе бозиҳои спортӣ барои пешгирии осеби хоядон низ бастани …

БАЙҲАҚӣ Заҳируддин Абулҳасан Алӣ ибни Зайд (1106, Сабзавор, музофоти Байҳақ – 1174, ҳамон ҷо), муаррих, мунаҷҷим, математик, табиб ва шоир. Аз оилаи ҳакимони машҳури Фундуқ. Оилаи онҳо бо муаррих Табарӣ қаробат дошт. Дар Нишопур, Марв, Рай таҳсил намуда, илмҳои замонро аз худ кард. Ҳамроҳи падараш Умари Хайёмро зиёрат намудааст. С. …

БАКТЕРИЕМИЯ (Bacteriaemia; аз бактерияҳо ва haima – хун), дар хун вуҷуд доштани бактерияҳо. Ангезандаҳо ба хун асосан дар мавриди бемориҳои сироятӣ роҳ меёбанд. Миқдори онҳо дар воҳиди ҳаҷми хун ба дараҷаи сироятангезӣ, инчунин аз муқобилати организми мариз вобаста аст. Дар сурати Б.-и бардавом, одатан, сирояти уфунатӣ ба вуқӯъ мепайвандад. Ҳангоми …

БАКТЕРИОЛИЗ (Bacteriolysis; аз бактерияҳо ва юн. lysis – ҳал шудан, вайрон гаштан), таҷзияи бактерияҳо, ки дар натиҷаи ихтилоли сохтори ҳуҷайраҳо рух намуда, мӯҳтавои онҳо ба муҳит хориҷ мешавад. Б. бинобар таъсири унсурҳои комплемент, моддаҳои гуногуни химиявӣ, ферментҳо, антибиотикҳо, бактериофагҳо ва ғ. ба вуқӯъ мепайвандад.