Комрон.инфо

ДЕРМАТОЗҲО (Dermatosis), бемориҳои пӯст, номи умумии амрози пӯст ва зоидҳои он. Сабабҳои Д. гуногун мебошанд. Дар китобҳои тиббӣ тақр. 2 ҳаз. Д. қайд шудаанд. Хусусан псориаз, экзема, нейродермит барин Д. бештар густариш ёфтаанд. Бемориҳои римнок, вирусӣ ва занбӯруғии пӯст низ бисёр дучор меоянд. Д. таснифи ягона надоранд. Ҳангоми тартиб додани …

ДЕРМАТОЛОГИЯ (Dermatologia; аз дермато… ва …логия), як соҳаи илми тиб, ки бемориҳои гуногуни пӯст ва вобаста ба он амрози мӯй ва нохунро меомӯзад. Д. умумӣ ва ҷузъӣ мешавад: Д.-и умумӣ анатомия ва физиологияи пӯст, қонунияти умумии инкишофи амрози пӯст ва асоси муолиҷаи онҳоро тадқиқ менамояд. Д.-и ҷузъӣ амрози алоҳидаи пӯст, …

ДЕРМАТОМИКОЗҲО (Dermatomycosis; аз дерма ва микозҳо), як гурӯҳи бемориҳои пӯст. Ниг. Бемориҳои занбӯруғии пӯст.

ДЕРМАТОМИОЗИТ (аз дермато… ва юн. mys, myós – мушак), бемории умумии организм, ки ҳангоми он асосан пӯст, мушак ва асаб иллат меёбанд. Маълумоти аввалинро оид ба Д. соли 1887 бехабар аз ҳамдигар духтурони немис Э. Вагнер ва Х. Унферрихт (с. 1891 истилоҳи «Д».-ро пешниҳод намудааст) додаанд. Дар бораи пайдоиш ва …

ДЕРМАТОТЛАЗИЯ (аз дермато… ва thlasis – фишор овардан, пахш кардан, пора намудан), кӯшиши музоҳими бо роҳи пучидан, молиш додан, харошидан ва қабза кардан, ба ангезиш овардани пӯсти худ.