ЛЕЙКОПЕНИЯ

ЛЕЙКОПЕНИЯ (Leucopenia; аз лейко… ва penia – камӣ), дар таркиби хун кам шудани лейкоситҳо (камтар аз 4000 дар 1 мкл, ё 4,0 х 109/л). Л. ҳангоми бемории домана, брутселлёз, грипп, полиомиелит, гепатити вирусӣ, сиррози ҷигар, вараҷа, лейшманиоз, камхунӣ, инчунин ҳангоми таъсири афканишоти ионнок ба мушоҳида мерасад. Л. дар натиҷаи истеъмоли баъзе доруҳо (амидопирин, бутадион, сулфаниламидҳо, метилтиоурасил) низ ба вуҷуд меояд.
Муолиҷа ба рафъ намудани сабаби Л. нигаронда шудааст.