ГИНАТРЕЗИЯ (аз юн. gune – зан ва атрезия), руст шудани роҳи таносул дар пардаи бакорат, маҳбал ё бачадон. Г. дар натиҷаи осеб (аз ҷумла ҳангоми таваллуд)-и узвҳои таносул, амалиёти ҷарроҳӣ (ҷарроҳии пластикӣ, исқот), илтиҳоб, таъсири доруҳои сӯзишовар ва радиоактив пайдо мешавад. Дар мавриди Г. ҷараёни ихроҷи хуни ҳайз халал ёфта, …

ГИНГИВИТ (Gingivitis; аз лот. gingiva – милки дандон), илтиҳоби луобпардаи милки дандонҳо. Г. дар аснои сирояти бактерияю вирусҳо, риоя накардани қоидаҳои беҳдошт, милкро захмдор кардани қираи тези дандони шикаста, санги дандон, пломба ва коронка, ҳангоми таъсири кислотаю ишқорҳо ва гармӣ ба милки дандон сар мезанад. Г. метавонад аломати витаминкоҳиш, аксуламалҳои …

ГИНЕКОЛОГИЯ (Gynaecologia; аз юн. gyne, gynaikos – зан ва …логия), илми бемориҳои занона, як соҳаи тибби клиникист, ки хосиятҳои анатомию физиологии организм, инчунин иллати узвҳои таносули занҳоро меомӯзад. Вазифаи умдаи Г. аз овони кӯдакӣ андешидани тадбирҳои пешгирии бемориҳои занона ва пешниҳод кардани усулҳои муолиҷаи онҳо мебошад. Маълумоти аввалин доир ба …

ГИНЕКОМАСТИЯ (Gynaecomastia; аз юн. gyne, gynaikos – зан ва mastos – сина, пистон), калон шудани ғадудҳои шир дар мардҳо. Г. ҳақиқӣ ва дурӯғин мешавад. Г.-и ҳақиқӣ дар натиҷаи афзудани бофтаҳои ғадуди шир пайдо мешавад. Сабаби Г.-и дурӯғин ҷамъ шудани чарбу дар ғадуди шири мардҳо аст. Г.-и ҳақиқӣ физиологӣ ва патологӣ …

ГИПЕР… (аз юн. hyper – фавқ, баланд), қисми аввали калимаҳои мураккаб, ки афзунӣ, фавқ ва аз меъёр зиёд буданро ифода мекунад, мас., гипергидроз, гипергликемия, гиперемия, гипертония ва ғ.

ГИПЕРАЛДОСТЕРОНИЗМ, синдроме, ки дар натиҷаи дар организм бисёр будани миқдори гормони қишри ғадуди болои гурдаҳо – алдостерон рух менамояд. Алдостерон дар кори танзими мубодилаи моддаҳо дар организм ширкат меварзад. Он барои дар организм боздошта шудани ионҳои натрий мусоидат карда, ионҳои калий ва гидрогенро ба воситаи пешоб хориҷ менамояд. Тарашшӯҳи алдостеронро …

ГИПЕРВИТАМИНОЗ (Hypervitaminosis; аз гипер ва витаминҳо), беморие, ки дар натиҷаи бисёр истеъмол кардани витаминҳо ба вуҷуд меояд. Витаминҳо омили зарур ва беивази тағзия мебошанд. Дар сурати камвитаминӣ неруи муҳофизии организм суст гашта, мубодилаи моддаҳо вайрон мешавад, бемориҳои гуногун сар мезананд (ниг. Витаминкоҳӣ). Нарасидани витаминҳо хусусан ба сабзишу инкишофи кӯдак таъсири …

ГИПЕРГИДРОЗ (Hyperhidrosis; аз гипер… ва юн. hydro – об), серарақӣ, яке аз тарзҳои ихтилоли ихроҷи арақ. Дар мавриди Г. арақ бисёр ва бенизом ихроҷ мегардад. Сабабҳои Г. ниҳоят гуногун мебошанд, мас., стресс, калон будани ҷусса, парҳез, ихтилоли фаъолияти гормонҳо, осеби ҷумҷума, бемории ғадудҳои усораи дохилӣ, асабҳо ва ғ.; Г. ирсӣ …

ГИПЕРЕМИЯ (Hyperaemia; аз гипер… ва юн. haima – хун), афзоиши бо хун таъмин шудани ягон қисми рагҳои канорӣ. Г.-и артериявӣ ба таври рефлексӣ зери таъсири омилҳои физикӣ (гармӣ, молиш додан), биологӣ (маҳсули мубодила) ва химиявӣ (скипидар, равғани хардал) ба вуҷуд меояд; он ҳамчунин яке аз аломатҳои илтиҳоб мебошад. Дар шароити …

ГИПЕРКАПНИЯ (Hypercapnia; аз гипер… ва karpos – дуд), шиддати баланди гази карбонат дар хуни артерия ва бофтаҳои организм. Г. дар аксар ҳолатҳо ҳангоми нафас гирифтани ҳавое, ки дар таркиби он миқдори CO2 зиёд аст, ба вуҷуд меояд (мас., дар хонаҳои хурди ҳавонорас, киштиҳои зериобӣ, скафандрҳои ғаввосӣ ва ғ.). Г. метавонад …