BEMORII SANGI PESHOB

BEMORII SANGI PESHOB (Urolithiasis), urolitiaz, bemorii sangi gurda, bemoriest, ki hangomi on dar uzvhoi peshobron sang paydo meshavad. Sangi peshob dar natijai ikhtiloli mubodilai obu namak va kori gadudhoi usorai dokhili (gadudi siparshakl va gadudi nazdi on, gipofiz), ki mubodilai obu namakro tanzim mekunand, az istemoli tulonii obu gizoe, ki miqdori namakhoi mineraliash ziyod ast, az mani peshob dar gurda, naychai peshobron va shoshadon binobar baze kasaliho ba vujud meoyad. Omilhoi mazkur ba tahshin shudani namakhoi tarkibi peshob musoidat karda, az onho sangi peshob hosil meshavad. Mas., az namakhoi dar peshob halshuda uratho, oksalatho, fosfatho, karbonatho va g. ba vujud meoyand. Sanghoi khurd ba sanghoi kalon tabdil meyoband; sanghoi kalon shakli havzaki gurdaro girifta, marjonmonand meshavand.
B., odatan, dar davrai az 20 to 50-solagi paydo meshavad. Sang beshtar dar gurda hosil shuda, az on ba peshobroha va masona meguzarad; sangi masona goh-goh ba vujud meoyad.
Zuhuroti B. ba joi qarorgirii sang vobasta ast.CHunonchi, dar asnoi dar gurda joygir shudani sang, miyoni odam sim-sim dard mekunad. Hangomi kori jismoni va khususan takon khurdan, dard meafzoyad. Bemoron inro dardi miyon pindoshta, ba dukhtur murojiat namekunand va ba khudmuolija mashgul meshavand. Sang dar havzaki gurda muddati daroz memonad va tadrijan havzakro vase karda, boisi iltihobi boftai gurda megardad. Sang rohi peshobro basta, khuruji dardi sakht (khalai gurda)-ro ba amal meorad. Dar in holat bemorro araqi sard zer karda, dilbehuzuri va qay ba vujud meoyad, shikam damish mekunad, harorati badan baland meshavad. Sang az gurda ba peshobroha bo khuruji dardi sakht mefaroyad; dar bemor khohishi zud-zud peshob kardan ba vujud meoyad.
Dar mavridi khuruji khalai gurda hatman dukhturro jeg zadan lozim. Hudmuolija (obzani garm, qabuli doruhoi bedardgardon) man ast, zero hangomi baze amrozi shadidi uzvhoi shikam niz chunin khuruj mushohida meshavad. Tanho dukhtur metavonad bemoriro muayyan karda, tabobati muvofiq tain kunad.
Sangi masona angezish va gazaki luobpardai onro ba amal meorad (zud-zud va bo dard peshob rondan zuhuroti gazak ast). Dar asnoi kori jismoni yo rohgardi sang luobpardaro zakhmdor karda, boisi khunravi va khunoludii peshob meshavad (gematuriya). Dar surati peshobroharo bastani sang, bemor ba pahlu daroz kashida peshob mekunad. Sangi hardu gurda yo peshobroha ikhroji peshobro metavonad purra qat namoyad (anuriya). In oqibati khatarnoki bemori ast, zero dar natijai naraftani peshob, mahsuli zahrnoki mubodilai moddaho dar organizm jam shuda, boisi inkishofi uremiya megardad. Dar in hol boyad hatman ba dukhtur murojiat kard.
Ba maqsadi tabobat sangro dur karda, sababhoero, ki boisi hosil shudani on va gazaki uzvhoi peshob gardidaand, bartaraf mesozand. Tarzi tabobat ba mavqe va andozai sang vobasta ast. Sanghoi khurdi gurda va peshobroharo bo yorii doru, tadbirhoi fizioterapevti va farovon istemol kardani moeot (zeri nazorati dukhtur) meaftonand. Sangi qismi peshi peshobroharo bazan bo halqai makhsus megirand. Agar in imkonnopazir boshad, pas jarrohi mekunand.
Gizoi murattab yake az muhimtarin omilhoi tabobat ast. Dukhtur vobasta ba khususiyati ikhtiloli mubodila parhez tain mekunad. Mas., dar mavridi hosil shudani uratho istemoli gizoi shiriyu rastanigi tavsiya shuda, istemoli gushti biryon, dampukht, dudkhurda, paniri tundu tez, choi talkh, rastanihoi lubiyoi, shalgamcha, ispanokh, zanjabil, khardal va g man ast. Baraks, dar asnoi hosil gashtani fosfatho gizoi gushti tavsiya shuda, istemoli mahsuloti shiriyu rastanigi man meboshad.
Gazaki uzvhoi peshobronro qati va tuloni muolija mekunand. Dar peshgirii B. sari vaqt tabobat kardani iltihobi uzvhoi peshobron, (mas., pielonefrit) ahamiyati kalon dorad.
Ad.: Qodiri T.R., Sangi gurda va rohhoi peshob, D., 1975; Hamon muallif, Bemorii sangi bavl, D., 1993; Hamon muallif, Metafilaktikai bemorii sangi peshob, D., 2008.

T. R. Qodiri.