BEMORII PASTFISHORi

BEMORII PASTFISHORi (Morbi decompressionales), bemorii dekompressiyavi, holati bemorie, ki binobar yakbora va nihoyat past shudani fishori muhit ba vujud meoyad; beshtar gavvoson (hangomi ba qari bahr furud omadan), lyotchikho, kessonchiyon (odamone, ki bo kamerahoi obnoguzar saru kor dorand) giriftor meshavand. Saravval dar asnoi baland budani fishori muhit (mas., atmosfera) dar boftahoi organizm, az jumla khun, miqdori nitrogen khele meafzoyad. Agar hangomi fishori muqarrarii atmosferi dar 100 ml khun hamagi qarib 1 ml nitrogen hal shuda boshad, dar surati 3 atm budani fishor 3 ml nitrogen hal meshavad. Nitrogenro jabbidani boftaho dar mavridi baland budani fishori muhit ogoz yofta, to barobar shudani fishori khudi nitrogen dar boftaho va berun az onho davom mekunad. Az nitrogen ser shudani boftaho hangomi chunin fishore, ki dar asnoi on ba lyotchik, gavvos, kessonchi (zimni rioyai qoidaho) kor kardan lozim meoyad, ba organizm tasiri nokhush namerasonad. Vale agar fishor baland (4 atm va ziyodtar) boshad, tahayuj, firebi ehsos, zafi khotira, ikhtiloli hush va g. rukh khohand namud. Dar fishori 10 atm odam behush meshavad. Dar mavridi az doirai fishori baland ba doirai fishori mutadil guzashtan, hubobchahoi nitrogen az boftahoi organizm baromada ba khun meguzarand va az shush judo meshavand. Raghoi maydai khungardro bastani gaz sababi bevositai B. p. meboshad. On hangomi az nitrogen nihoyat ser gashtani khun ba amal omada, ba vositai shush dur kardani nitrogen imkonnopazir megardad. Harorati past niz ba boftahoi organizm tasiri manfi merasonad, gardishi mutadili khunro vayron mekunad.
Nishonahoi marizi dar davomi yak soati avvali badi az doirai fishori baland baromadan ba vujud meoyand. Bemor ba khorishi pust, osebi ustukhonu mushak va illati bandho giriftor meshavad. Dar 85 – 90 fisadi holatho boftaho varam mekunand. Hini illati uzvhoi asab charkh zadani sar, behushi, qay, susti va nimfalaj ruy medihad. Basta shudani rohi raghoi maynayu dil bo favti bemor meanjomad.
Peshgiri: rioya tartibi durusti az fishori baland ba fishori past guzashtan, nazorati asbobu anjomi makhsuse, ki gavvoson, kessonchiyon, lyotchikho istifoda mebarand; nazorati muntazami salomatii onho.