VEYKFILD

Man dar dunyoi tijorati pakhta bo shakhsoni ziyod shinos shudam va ittifoqhoi ajibero shohid budam va chand hikoyat az onho meovaram, ki ba nazaram az ahammiyat kholi nest.

Istondorti sifati pakhta juziyoti ziyod dorad. Korshinosoni takhassusi dar ozmoishgohhoi makhsus az rui namunahoi istondorti nav, sifat va guruhi onro tashkhis karda, guvohnoma sodir mekunand, ki dar asosi on pakhta narkhguzori va kharidu furush meshavad.

SHirkathoi makhsus hastand, ki peshaashon hamin ast. Onho dar kharidu furushi pakhta dokhil nestand, faqat az pakhta namunabardori karda, onro tashkhis mekunand va guvohnomai sifat medihand. Odatan, in shirkatho dar dunyoi pakhta maruf va mutamad hastand.

Aslan, dar dunyo solona 23 million ton nakhi pakhta istehsol meshavad, ki onro dar toyhoi 200-kiloi bastabandi mekunand. In hajm taqriban muodili 120 million toy meshavad. Namunabardori az dah darsadi hamin miqdor toy surat megirad, ki vusati kori in shirkathoro nishon medihad.

YAke az kalontarin va maruftarin shirkathoi in soha shir- kati inglisii Wakefield Inspection Services ast, ki dar kulli kishvarhoi pakhtasodirkunanda, az jumla dar kishvari mo ham namoyandagi dorad.

Ruze dar shahri Liverpul hamoishi solonai shirkathoi pakhta barguzor shud, ki man ham dar on ishtirok doshtam. In hamoish tibqi sunnathoi qadimii bozargononi pakhta, ki az sarvatmandtarin ashkhosi dunyo budand, barguzor meshud. Masalan, yake az sunnathoyash in budaast, ki soliyoni ziyod ba in hamoish zanhoro roh namedodaand. Vale solhoe, ki man dar on ishtirok kardam, allakay zanho na faqat ishtirok mekardand, balki shirkathoi ziyodi tijorii pakhtaro sardori niz mekardand.

CHizi jolibi digar, ki dar zamoni ishtiroki man hanuz vujud dosht, in bud, ki dar daromadgohi tolori hamoish darbone bo liboshoi zarduzi va asoi zarkub meistod. Vaqte ishtirokchiyon bo navbat baroi dokhil shudan ba dami dar meomadand, u az ruykhat nomashonro yofta, asoyashro du bor ba zamin kufta, bo sadoi baland ba ahli tolor nomi shakhs va shirkatashro elon mekard. Handaovar on bud, ki u nomi mo va shirkathoyamonro talaffuz karda nametavonist va boisi shukhivu khandai hamagon megasht.

Dar in tolori buzurg baroi chandsad nafar mizhoi dahkasi meguzoshtand va dar rui in mizho nomi mehmononro navishta memondand ki har kas ba joi muqarrarshuda menishast.

Avvalin kase, ki sukhanroni mekard, az hukumati Ingliston bud, bad se-chor nafar az saroni shirkathoi buzurg sukhan karda, peshbiniyashonro dar borai bozor arz mekardand. Vaqti sukhan- ronii onho mehmononi har miz bayni khud shart mebastand, ki u chand daqiqa sukhanroni mekunad va kase, ki vaqti az hama naz- dikro guyad, baranda shuda, joiza megirift. In ham yake digar az sunnathoi in hamoish bud.

On sol dusti azizam Jon maro bo moliki shirkati Veykfild shinos kard. Nomi purrai u Piter Veykfild bud. U khudro ba man Piter muarrifi kard. Dar sari miz joyi man dar kanori janobi Veykfild bud. Bori avval ba u «mister Veykfild» gufta murojiat kardam. U muaddabona, «Peter, please», yane ba man Piter gufta murojiat kuned, guft.

Man tibqi odobi panjrudi hech nametavonistam ba chunin insoni buzurg, ki ba sol ham az man buzurgtar bud, Piter gufta, murojiat kunam. Dafai digar hamon tavr «mister Veykfild», gufta murojiat kunam, aslan tavajjuh nakard. CHun hama khomush budand, beetinoii u diqqati hamaro jalb kard va man surkh shudam.

– Piter guy, – ba yorii man shitoft Jon.

Bazur khudro majbur karda:

• Piter, – guftam, boz ham beshtar surkh shuda.
• Yes, dear (bale, azizam), – bo tabassumi farokh ba man ruy ovard mister Veykfild.

In hodisa dar zehni man hikoyai «Qozizodai rumi va Mavlono Jomi»-ro zinda kard va man didam, ki furutani ba shakhs mezebad, chi baso shakhs martabai baland doshta boshad.