Avsaj

Avsaj — in rastaniest, ki bar devorho va panjaraho khazida baland meshavad. Bargash ba bargi gulisurkh monand, vale khoru pashmak dorad va vasetar ast az on. Mevaash monandi samari marmijon va tuti siyoh, vale surkh ast. Inro dar diyorhoi mo bisyor parvarish menamoyand. Onro ba zaboni rusi zemlyanika meguyand.

Mizoji hamai qismhoi in rastani dar darajai yakum sard va dar duvum khushk ast. Obi bargi taru tozai onro haft ruz pay dar ham dar chashm chakonand, guli dar on aftodaro daf mekunad.

CHun obi samari pukhtagii onro sitonida, sof karda, khushk namuda va vaqti hojat 0,5 grammi onro bo safedai tukhmi murg yo bo shiri zanon soida, dar chashm chakonand, hamai namudhoi dardi chashm va guli ba on aftodaro daf mekunad. Inro batanhoi ba peshoni guzoshta bandand, furomadani moddahoi zararnokro man menamoyad.

Tutiyoro dar obi avsaj yak shabonaruz tar karda, bad ba chashm kashand, baroi dardi chashm davoi bisyor khubest. CHun bargi onro to quvvatash ba ob guzashtan bijushonand, pas, molida, az matoi boftash zich guzaronida sof kunand va to gafs gashtanash boz bijushonand, ki in baroi daf kardani guli chashm tasirash bisyor khub ast.

Bargashro bikhoyand, jushishi (pukhtani) daruni dahanro sihat mekunad. Bargi tarashro kufta guzoshta bandand, donachahoi murchagazak va surkhbodro, agar harorati onho dar kamoli shiddat naboshad, shifo mebakhshad.

Usorai bargi taru tozai on, yane obi bargashro dar oftob gafs gardonida, bad biyoshomand, baroi quturi safrovi davo meshavad va tafsi safrovii badanro taskin medihad.

Tabibi nomi SHarif shahodat dodaast, ki tabiboni YUnon, Fors va Hind bo avsaj makhavro, agar illat dar holati ibtido boshad, muolija menamoyand ba in tariq, ki reshai onro reza karda, har ruz 25 grammashro dar 300 gramm ob to seyaki ob mondan mejushonand va bad sof namuda menushand — in tavr chor-panj majlis (begoh) meoshomand, ba vositai daf kardani savdoi sukhta az badan, makhav shifo meyobad, ba sharte ki du ruz pesh az oshomidani on shurboi gushti gusfandi farbehro bikhurand va dar ruzi sevum obi in reshai jushonidashudaro binushand, inak, to chand ruz bo on mudovamat namoyand, murod hosil megardad. Boyad, ki ruzi duvum bad az nushidani on, ki ruzi rohat ast, hammom kunand.

Hakimi mashhur Bagdodi va yak qator tabiboni nomi navishtaand, ki reshai avsajro dar sharobi rayhoni jushonida binushand va dar on ruzho har ruz hammom kunand, baroi hamin bemori, yane makhav, davost. Tabibi nomdor Antoki hamin sharobero, ki reshai in rastani jushonida shudaast, binushand, baroi reshhoi tar, qutur, khorish va daf kardani doghoi pust behtar az chubi chini donistaast. Hol on ki chubi chini baroi aksari bemorihoi bedavo darmoni khubtarin hisob meyobad.

CHun reshai inro reza karda, bo bargi murd yakjo bisuzonand va poshidani on baroi resh va bemorihoi maqad, man namudani reshi khabisa va ruyonidani muy zudtar tasir mekunad. Mevai in dar khislathoi tibbi monandi bargi on ast, khunraviro qat mekunad va isholro mebandad.

Miqdori yak bor khurdan az avsaj dar yak ruz to 4,5 gramm ast. Vale khurdani avsaj ba sipurz zarar dorad, illati qulinjro, ki dard va varami rudahoi gafs ast, paydo mekunad. Baroi dafi in zararhoyash katiro boyad khurd. Barg va usorai onro dud kunand, jonvaroni zararnok az on jo megurezand.