Главная / Илм / МИОРЕЛАКСАНТҲО

МИОРЕЛАКСАНТҲО

miorelaksantМИОРЕЛАКСАНТҲО (Myorelaxantia; аз мио… ва лот. relaxans, relaxantis – сустиовар, заифсозанда), доруҳое, ки тонуси мушакҳои скелетро то ҳадди комилан беҳаракат гаштани онҳо суст мекунанд. М. вобаста ба таъсир ду хел – марказӣ ва канорӣ мешаванд. Ба М.-и таъсирашон канорӣ моддаҳои кураремонанд мансубанд; онҳо бевосита ба холиноретсепторҳои мушакҳои скелет таъсир расонда, интиқоли асабӣ-мушакиро халалдор месозанд.
Ба М.-и таъсирашон марказӣ доруҳои гуногун, ки дар баробари самараи муолиҷавӣ ҳамчунин маркази танзими тонуси мушакҳоро табоҳ менамоянд, дохил мешаванд, мас., транквилизаторҳо (сибазон, хлозепид, феназепам ва ғ.). Мидоклам ва баклофен низ ба гурӯҳи моддаҳои таъсирашон марказӣ мансуб мебошанд. М.-и таъсирашон марказӣ бар фарқи моддаҳои кураремонанд ба интиқоли импулсҳо ба синапсҳои асабу мушакӣ таъсир намерасонанд.
Дар амалияи тиб моддаҳои кураремонанд бо мақсади суст кардани тонуси мушакҳо ҳангоми амалиёти ҷарроҳӣ кор фармуда мешаванд. М.-и таъсирашон марказӣ асосан ҳангоми бемориҳое, ки тонуси мушакҳои скелет баланд мегарданд, ба кор мераванд.

Загрузка...

Дар борамон Anvar

darksider_5@mail.ru

Инчунин кобед

Лисейи Хилол

Лисейи “Ҳилол” дар ш. Душанбе

Лисейи ҲИЛОЛ ё худ онро низ гимназия ҳам меноманд, аз солҳои 2000-ум фаъолият намуда талабагонро …