Комрон.инфо
Витамин В1 (тиамин) дар организм барои мубодилаи мӯътадили моддаҳо (хусусан ангиштобҳо ё карбогидратҳо) зарур аст. Ҳангоми норасогии витамини кас аз ҳар чиз зуд хашмгин, хаста, ҳазми хӯрокаш душвор мешавад. тамоман ё хеле кам будани тиамин ба бемории вазнини асаб (бери-бери) сабаб мегардад.
Дар охир ба паралич дучор шуда, ҳаёташ қатъ мегардад. Оқибати ин касалӣ ба марг оварда мерасонад. Ин хел касалиҳо бисёртар дар давлатҳои ҷануби ғарбии Осиё дучор мешаванд. Ин бо он вобастагӣ дорад, ки халқҳои камбизоати ин давлатҳо таомҳое, ки витамин В1 мавҷуд аст, хеле кам истеъмол мекунанд.
Витамини В1 дар таркиби ҷигар, гӯшт, ғалладона, хамирпояи пиво, хамиртуруш ва ғайра бисёр аст. талаботи организм ба витамини В1 ҳангоми кори ҷисмонӣ ва фикрӣ, инчунин дар ҳавои хунук меафзояд.
