НАМОЗИ ВИТР

Намози витр 3 ракъат аст. 

Намози витри воҷиб: Дар ибтидо монанди ҳамон тарти-бе, ки дар намози саҳарӣ аст, 2 ракъат гузорида мешавад. Сипас «ат-Таҳиййот» хонда мешавад. Пас аз он «Аллоҳу Акбар» гуфта, ба ракъати сеюм бархезад.

Дар ракъати сеюм «Бисми-л-Лоҳи-р-Раҳмони-р-Раҳим», сураи «ал-Фотиҳа» ва сураи «Ихлос» хонда мешавад. Пас аз он такбир гуфта, дар як вақт дастонро то баробари гўшҳо мебардорад. Баъди он дастҳоро боз ба зери ноф гузошта, дар дил дуои Қунут бихонад. Дуои Қунут дар охири китоб дар қисмати дуоҳо оварда шудааст. Баъди хондани дуо рукўъ ва саҷда мекунад ва намоз аз рўи пайдарҳамии муқаррарӣ ан-ҷом мепазирад.

Касоне, ки дуои Қунутро намедонанд, се бор дуои «Раббано-ғфир лӣ»-ро бихонад ва матни он дар қисмати ду–оҳои охири китоб оварда шудааст.