Главная / Гуногун / Пушаймони пеш аз мурдан

Пушаймони пеш аз мурдан

Ду кас мурдану тахассур бурданд: яке он кӣ дошту нахўрд ва дигар он кӣ донисту накард. Фурсат ғанимат шумор.

Касе набинад бахил фозилро,
Ки на дар айб гуфтанаш кўшад.
В-ар кариме дусад гуннаҳ дорад,
Карамаш айбҳо фурў пушад.

Тамом шуд китоби «Гулистон» ба тавфиқи бори азза исмаҳу. Дар ин ҷумла чунон кирасми муаллифон асту даъби мусаннифон аз шеъри мутакаддимон ба тариқи истиорат талфиқе нарафт.

Куҳан хирқаи хеш пиростан,
Беҳ аз ҷомаи орият хостан.

odinochestvoҒолиби гуфторӣ Саъдӣ тарабангез асту тийбатомез ва кутоҳаназаронро бад-ин иллат забони таъи дароз гардад, ки мағзи димоғ беҳуда бурдан ва дуди чароғ бефоида хўрдан кори хирадмандон нест. Валекин бар рои равшани соҳибдилон, ки рўи сухан дар эшон аст, пўшида намонад, ки дури мавъизаҳои шофиро дар силқи иборат кашидааст ва доруи талхи насиҳат ба шаҳди зарофат баромехта, то табъи малули эшон аз давлати қабул маҳрум намонад.

Мо насиҳат ба ҷои худ кардем,
Рўзгоре дар ин ба сар бурдем.
Гар наёяд ба гўши рағбати кас,
Бар расулон паём бошаду бас.

Загрузка...

Дар борамон admin

Инчунин кобед

ruza_ramadan

Дуоҳои ният ва ифтори рӯзаи моҳи  шарифи рамазон

Нияти рӯза гирифтан: «Ва ли савми ғаддим-мин шаҳри рамазона-л-лазӣ фаризатан навайту». Тарҷума: Рӯзаи фардоро аз …