Комрон.инфо
Раисиҷумҳури Тоҷикистон барои варзишкороне, ки аз бозиҳои осиёӣ ба кишвар медал меоранд, мукофотпулӣ таъин кардааст. Тибқи иттилои Кумитаи миллии олимпии Тоҷикистон ҷоизаи раисиҷумҳур барои ғолибон ва ҷоизадорони Бозиҳои Осиё аз 50 то 150 ҳазор сомониро ташкил медиҳад.
“Ба иттилои манбаъ барои медали тилло — 150 ҳазор сомонӣ, нуқра — 100 ҳазор сомонӣ ва биринҷӣ – 50 ҳазор сомонӣ ҷоизаи Президенти Тоҷикистон дода мешавад”, — иттилоъ додааст манбаъ.
То ҳол дар Бозиҳои Осиё — 2018 тими Тоҷикистон соҳиби 5 медал — 3 нуқра ва 2 биринҷӣ шудааст.
Ҷудокорон Комроншоҳ Устопириён дар вазни то 90 кило ва Шакармамад Мирмамадов дар вазни беш аз 100 кило соҳиби медали биринҷӣ гардиданд. Инчунин Шаҳриёр Даминов дар қаиқронӣ, Дилшод Назаров дар гурзандозӣ ва Беҳрӯз Хоҷазода дар вазни 81 кило дар куштии кураш медалҳои нуқра ба даст оварданд.
