АМНИОТОМИЯ

АМНИОТОМИЯ (Amniotomia; аз amnion – ҷанинпарда ва tome – буридан), чок кардан ё даррондани ҷанинхалта. Бо мақсади ангехтани дард, инчунин ҳангоми ғафс будани пардаи ҷанин, паст ҷой гирифтан ё қисман ҷудо шудани ҳамроҳак, баланд шудани фишори хун дар вақти таваллуд амалӣ гардонда мешавад. А.-ро дар шароити тамйизӣ (ниг. Асептика) ба воситаи асбобҳои махсус мегузаронанд. Дар вақти зоимон А.-ро метавонад муваллида (акушерка) ба ҷо орад.