Главная / Гуногун / Дар маҳаллаи 82-юми пойтахт нахустин эстакада, ё худ роҳи бисёрқабата кушода шуд

Дар маҳаллаи 82-юми пойтахт нахустин эстакада, ё худ роҳи бисёрқабата кушода шуд

Эмомалӣ Раҳмон, раисиҷумҳури Тоҷикистон ҳамроҳи Рустами Эмомалӣ, раиси шаҳри Душанбе дар маҳаллаи 82-юми пойтахт нахустин эстакада, ё худ роҳи бисёрқабатиро ба истифода доданд

Тибқи иттилои дафтари матбуоти раисиҷумҳури Тоҷикистон, чорсӯи нав аз 3 сатҳ иборат буда, дар буриши хиёбони Нусратуло Махсум бо хиёбони Бобоҷон Ғафуров қарор дорад.

“Дар сатҳи дуввуми чорроҳа роҳи давродаврие бунёд шудааст, ки ҳаракати нақлиёт дар он тавассути нишонаҳои махсус роҳнамоӣ карда мешавад. Дар сатҳи сеюм аз самти шарқ ба ғарб кӯпрук бо дарозии 125 метр ва паҳноии 24,8 метр мегузарад”, — изҳор дошт манбаъ.

Манбаъ афзуд, ки дар сохтмони эстакада 4 роҳи зеризаминӣ низ бо дарозии умумии 236 метр барои роҳгузарон бунёд шудаанд.

Ба раисиҷумҳур гузориш додаанд, ки дар роҳи сеқабата ҳамаи қитъаҳо асфалти замонавӣ бо иловаи маводи кимиёвие, ки рӯйпӯши роҳро устувору қавӣ ва ба лағжиш тобовар менамояд, истифода шудааст. Ба гуфти масъулин, ин навъи асфалт бори нахуст дар Тоҷикистон истифода мегардад ва муҳлати баҳрабардорӣ аз он назар ба дигар намуди он 4 — 5 сол зиёдтар мебошад.

Фармоишгари иншооти Вазорати нақлиёт — Маркази татбиқи лоиҳаҳои таҷдиди роҳҳо ва паймонкори лоиҳа Корпоратсияи роҳҳо ва кӯпрукҳо “Синдзян-Бейсин” —и Чин буда, сифати сохтмонро Ширкати машваратии «SAI»-и Ҳиндустон назорат бурдааст.

Загрузка...

Дар борамон anvarj63

Инчунин кобед

mr-bin

Дуои аз байн бурдани ғафлат

Нусхаи аз байн бурдани ғафлат Агар шахсе аз дин ғофил ва аз роҳи рост гумроҳ …