Моддаи 318-и Кодекси Меҳнат. Пешниҳоди талаботи кормандон
- Ба пешниҳоди талабот кормандон ва намояндагони онҳо ҳуқуқ доранд.
- Талаботҳои кормандон дар маҷлиси (конференсияи) кормандон пешниҳод карда мешаванд. Кормандон дар баробари пешниҳоди талабот барои иштирок кардан дар баррасии баҳси меҳнатии коллективӣ намояндагони ваколатдори худро интихоб мекунанд.
- Намояндагони кормандон талаботашонро бо тартиби муқаррарнамудаи оиннома ва ё қарори маҷлиси (конференсияи) кормандоне, ки мақомоти намояндагиро таъсис додааст, пешниҳод мекунанд.
- Талаботҳо хаттӣ пешниҳод карда, ба корфармо фиристода мешаванд.