Главная / Ҷамъият / Раисҷумҳур аз хизматрасонии ҳамшираҳои тиббӣ изҳори норозигӣ кард

Раисҷумҳур аз хизматрасонии ҳамшираҳои тиббӣ изҳори норозигӣ кард

Эмомалӣ Раҳмон ба масъулин супориш дод, ки фаъолияти муассисаҳои таҳсилоти миёнаи тиббӣ ва коллеҷҳо, ки ба тарбияи ҳамшираҳои тиббӣ машғуланд санҷида шавад.

 Раисҷумҳури Тоҷикистон Эмомалӣ Раҳмон зимни сухаронӣ дар “Рӯзи дониш” дар Донишгоҳи тиббии Тоҷикистон аз хизматрасонии ҳамшираҳои тиббӣ дар Тоҷикистон изҳори норозигӣ кард.

hamshira

” Бояд гуфт, ки сатҳу сифати хизматрасонии тиббӣ ба аҳолӣ аз ҷониби ҳамшираҳои тиббӣ беҳбудии ҷиддиро талаб менамояд”,  — гуфт раисҷумҳур.

Тавре президент афзуд, дар фаъолияти коллеҷҳои тиббии давлативу хусусии аксарияти шаҳру ноҳияҳо камбудиву норасоиҳои ҷиддӣ ба назар мерасанд.

“Аз таҳлилҳо бармеояд, ки сатҳу сифати таълим дар муассисаҳои миёнаи касбии соҳаи тандурустӣ ғайриқаноатбахш мебошад. Илова бар ин, то ба ҳол на ҳама китобҳои дарсӣ ба забони тоҷикӣ таълиф гардидаанд”, — таъкид дошт кишвардор.

Дастгоҳи иҷроияи Президент ва Вазорати тандурустӣ ва ҳифзи иҷтимоии аҳолӣ вазифадор шуданд, ки фаъолияти муассисаҳои таҳсилоти миёнаи тиббӣ, хусусан, коллеҷҳои тиббии ғайридавлатиро ҳамаҷониба санҷида, хулосаи худро ба Ҳукумати мамлакат пешниҳод намоянд.

Дар мамлакат 23 муассисаи таҳсилоти миёнаи касбии тиббӣ, аз ҷумла 8 муассисаи ғайридавлатӣ фаъолият дорад, ки дар онҳо 36 500 нафар донишҷӯён таҳсил мекунанд.

Загрузка...

Дар борамон anvarj63

Инчунин кобед

shariat

ШАРИАТ – МАҶМЎИ ҚОНУНҲОИ ИСЛОМӢ

Шариат чист? ШАРИАТ маънии роҳи дуруст, қонун, маҷмўи қоидаҳоро, ки иҷрояшон ҳатмӣ аст, дорад. Он …