ГЛИКОЗУРИЯ

ГЛИКОЗУРИЯ (Glycosuria; аз юн. glykys – ширин ва uron – пешоб), глюкозурия, глюкозпешобӣ, ба тавассути пешоб аз организм хориҷ шудани қанди ангур (глюкоза). Г.-и ғизоӣ ба истеъмоли барзиёди қанд асос ёфтааст. Чунин Г. зуд рафъ мешавад. Имкон дорад дар мавриди диабети қандӣ, амрози гурда, ҳомилагӣ ва ғ. ба мушоҳида расад. Дар беморони гирифтори диабети қандӣ рух намудани Г., одатан, нишонаи табобати нодуруст ва бесамар аст.