МАСОЛЕҲИ ИЛОВАГИИ ХӯРОКВОРӣ

МАСОЛЕҲИ ИЛОВАГИИ ХӯРОКВОРӣ, моддаҳои табиӣ ва синтезие, ки барои сифату таъми хос пайдо кардани хӯрокворӣ ба кор мебаранд; аҳамияти ғизоӣ надоранд.
М. аз рӯи таъинот ба чунин гурӯҳҳо ҷудо мешаванд: моддаҳое, ки ғилзат (консистенсия) ва таъми хӯроквориро беҳтар мекунанд (моддаҳои рангбахш, хушбӯ, хуштаъму ширин, турш, шӯр ва ғ.); моддаҳое, ки хӯроквориро аз вайрон шудан муҳофизат мекунад (доруҳои зиддимикробӣ); моддаҳое, ки технологияи истеҳсоли хӯроквориро беҳтар мегардонанд (моддаҳои нармкунандаи хамир ва ғ.). М. дар саноати қаннодӣ ва барои истеҳсоли нӯшокиҳои беалкуҳул фаровон истифода мешаванд.