ИНФИЛТРАТ

ИНФИЛТРАТ (infiltratus; лот. in – ба дарун ва filtrare – полоиш), сахтие, ки дар бофтаҳо (насҷи зери пӯст, мушакҳо) ё узв (шуш, ҷигар) бинобар ғун шудани унсурҳои ҳуҷайра, хун ва лимфа ба вуҷуд меояд. И. маъмулан дар аснои илтиҳоб ва баъзе бемориҳои сироятии музмин (сил, сифилис, актиномикоз) ба мушоҳида мерасад. Баъзан истилоҳи «И.»-ро барои ишора кардани он мавзеи бофта, ки мас., маҳлули ягон доруи беҳисгардон фиристода шудааст, кор мефармоянд