Ҳадди ақал баъд аз намози ҷумъа ин дуоро се маротиба хонда шавад
Бисмиллоҳи-р-Раҳмони-р-Раҳим.
Эй бор Илоҳо, аз Ту мехоҳам ба воситаи ин номҳои азим ва муборак бар пайғамбарат Муҳаммад (с) ва аҳли байти мутаҳҳараш раҳмат бифирист. Ва аз Ту мехоҳам, маро ҷузви бандагони мухлису муқаррабат қарор бидеҳ. Ва ба ман неъмати азими яқину боварро иноят фармо. Аз амрози дунявӣ ва аз азоби охират маро маҳфуз дор.
Ва аз ситамгарону душманон маро дар ҳифзи худат нигаҳ дор ва қалбҳои онҳоро ба сӯи Худат баргардон ва онҳоро аз иртикоби шарру бадӣ наҷот бидеҳ ва онҳоро тавфиқи аъмоли некӯ иноят фармо. Эй Аллоҳ, ин хостаи маро бароварда соз ва ин фақат талоши ман аст ва эътимоду таваккалам бар Туст.