Ба Бонк Амонат чи лозим?

Амонатро бонк асосан барои пешниҳод намудани қарз ва хариду фуруши асъори хориҷӣ истифода мебарад. Яъне чихеле, ки маълум аст бонк ширкати миёнарави молиявӣ, ки аз як мизоҷаш пулро дар шакли амонат мегирад ва ба дигараш ҳамчун қарз мефурушад, ки дар натиҷа фоидаи худро соҳиб мешавад. Масалан амонати муҳлатнокро бо 10%-и солона ҷалб мекунад ва бо 15%-и солона қарз пешниҳод мекунад.

Одатан амонат дар таркиби дороиҳои бисёрии  бонкҳои дунё 50-70%-ро ташкил медиҳад. Асосан амонат барои бонкҳо чандон арзон нест ва назар ба сармояи худи онҳо гаронтар ба шумор меравад. Ба ин хотир бонкҳо ҳаракат мекунанд, ки арзиши амонатҳоро баланд накунанд.