ЗЕРЕВ

ЗЕРЕВ, чашмаи минералии обаш сард дар ноҳ. Ишкошим. Тақр. 5 км дуртар аз резишгоҳи сои Дараи Зерев, дар баландии 2900 м аз с. б. ҷой гирифтааст. Минералнокиаш – 2,0 г/л, ҳарор. обаш +10 – +180 С. Дар таркиби оби чашма катионҳои калсий (255мг/л), натрий (175 мг/л), магний (65,0 мг/л), анионҳои гидрокарбонатҳо (1391 мг/л), сулфатҳо ( 125 мг/л) мавҷуданд. Оби чашма барои муолиҷаи бемориҳои узвҳои ҳозима, роҳҳои нафас ва ихтилоли мубодилаи моддаҳо нафъ дорад. Вобаста ба таркиби химиявӣ ба оби минералии Тсагвери (Гурҷистон) наздик аст.
Ад.: Бобоходжаев И.Я., Давлатмамадов Ш.М., Лечебные минеральные источники Памира, Д., 1994.