МУҲАММАДҚУЛОВА Маряма Муҳиддиновна

МУҲАММАДҚУЛОВА Маряма Муҳиддиновна (тав. 14. 07. 1939, ш. Душанбе), ҷарроҳ, доктори илми тиб (1993), проф. (1994), Корманди шоистаи ҶТ (2003). Хатмкардаи ДДТТ ба номи Абӯалӣ ибни Сино (1963). Ординатори клиникии кафедраи ҷарроҳии госпиталии №1 (1965), аспирант (1965 – 69), ассистент (1970 – 91), мудири кафедраи амалиёти ҷарроҳӣ ва анатомияи топографии ДДТТ (1992 – 2009). Аз с. 2009 нафақагир. С. 1975 дар кафедраи амалиёти ҷарроҳӣ ва анатомияи топографии Ин-ти педиатрии Ленинград ва с. 1982 дар Академияи тиббии Москва тахассуси худро баланд бардоштааст. Муаллифи зиёда аз 240 китобу мақолаҳои илмӣ ва тавсияҳои методӣ. Бо Ифтихорномаи Шӯрои Олии ҶШС Тоҷ. ва медали «Собиқадори меҳнат» мукофотонида шудааст.
Ос.: Гюрзотоксин как гемостатическое средство при кожно-пластических операциях, Д., 1996; Бахши мухтасари амалиёти ҷарроҳӣ, Д., 2002; Консервация и пересадка толстой кишки с использованием формалинизированных трансплантатов, Д., 2005; Курси лексияҳо оид ба амалиёти ҷарроҳӣ ва анатомияи мавзеӣ, Д., 2007; Сегментарная аллоколопластика, Д., 2007.