МАНСУРОВА Фарида Ҳамидовна

МАНСУРОВА Фарида Ҳамидовна (тав. 1952, ш. Душанбе), доктори илми тиб (1998), проф. (2007), дорандаи мукофоти АИ ҶТ ба номи Е.Н. Павловский (2003). Хатмкардаи ДДТТ ба номи Абӯалӣ ибни Сино (1975). Ординатори клиникии кафедраи терапияи госпиталии ДДТТ (1977), корманди хурд ва калони илмии шӯъбаи ҷигару ғадуди зери меъда (1977 – 84), мудири лабораторияи биохимияи клиникӣ (1984 – 2002), ҷонишини директор оид ба илми Пажӯҳишгоҳи гастроэнтерологияи АИ ҶТ (2002 – 2010), мудири лабораторияи Маркази биология ва тибби инавиатсионӣ (аз 2010). Муаллифи 250 таълифоти илмӣ, аз ҷумла 5 монография.
Ос.: Гелиотропная гепатоангиопатия (Болезнь Мирочника – Мансурова), Д., 1995; Желчнокаменная болезнь в Таджикистане, Д., 2004; Клинические очерки по гепатологии и гастроэнтерологии, Д., 2006; Перекисное окисление липидов и антиперекисная защита у больных вирусными поражениями печени, Д., 2006; Некоторые вопросы биохимии билиарного сладжа, Д., 2006; Метаболический синдром с проявлением желчнокаменной болезни, Д., 2007.