Зани соҳибҷамол

Якеро зани соҳибҷамоле ҷавон даргузашту модарзани фартут ба иллати кобин дар хона мутаммакин бимонд ва мард аз муҳовирати ў ба ҷон ранҷидӣ ва аз муҷовирати ў чора надидӣ, то гурўҳе ошноён ба пурсидан омаданд. Шарике гуфто:
– Чӣ гунаӣ дар муфориқати ёри азиз?
Гуфт:
– Нодидани зан бар ман чунон душвор намеояд, ки дидани модарзан.

Гул ба тороҷ рафту хор бимонд,
Ганҷ бардоштанду мор бимонд.
Дида бар тораки синон дидан
Хуштар аз рўи душманон дида
Воҷиб аст аз ҳазор дўст бурид,
То яке душманат набояд дид.