МОМОӣ

МОМОӣ, қобилагӣ, акушерӣ, як соҳаи тибби амалӣ, ки тағйироти табиӣ ва патологи (ихтилоли гуногуни мӯътадил ва номӯътадил)-и организми занонро дар давраи ҳомилагӣ, таваллуд ва баъди он меомӯзад. Коркарди усулҳои самарабахши М., пешгирӣ намудани оқибатҳои нохуши давраи ҳомилагӣ (мас., токсикоз), таваллуд ва баъди он (озурда ва маҷрӯҳшавӣ ҳангоми зоиш, хунравӣ ва ғ.), инчунин ёрии таъҷилии тиббӣ ҳангоми оризаҳои гуногун вазифаҳои асосии М. мебошанд. Ниг. низ Акушерӣ.