ИССИҚБУЛОҚ

ИССИҚБУЛОҚ, яшилкӯл, чашмаи мнералӣ дар ноҳ. Мурғоб. Дар соҳ. рости д. Аличур ҷой гирифтааст. Баландиаш аз с. б. 3900 м. Оби чашма аз 4 ҷой мебарояд. Дебиташ 0,3 – 2,0 л/сон., минералнокиаш – 0,53 г/л, ҳарор. обаш +69 – +710С. Бӯи гидрогенсулфид мекунад. Таркиби об аз натрий (182,0 мг/л), калсий (10,0 мг/л), калий (6,0 мг/л), гидрокарбонатҳо (152 мг/л), хлоридҳо (60,0 мг/л), сулфатҳо (26,0 мг/л), кислотаи силикат (82,0 мг/л), метаборат (9,0 мг/л), фтор (16,0 мг/л), ҳамчунин аз мис, литий ва никел иборат аст. Барои табобати бемориҳои дилу рагҳо, системаи асаб, банду буғум, устухон, мушакҳо, ихтилоли мубодилаи моддаҳо, амрози занона, ғадудҳои эндокринӣ аҳамияти калон дорад.
Ад.: Бобоходжаев И. Я., Давлатмамадов Ш. М., Лечебные минеральные источники Памира, Д., 1994.