Ин қотор гурӯҳи хазандаҳои кадимаро дар бар мегирад ва то ба замони мо як намуди он — гаттерия омада расидааст. Вай аз ҷиҳати намуди берунӣ ба калтакалос монанд аст, валс аз чиҳати дигар аломатҳояш ба хазандаҳои қадимаи мунқаризшуда хос аст. Дарозии гатгерияи модина ба ҳисоби миёна 50 см ва наринааш 75 см буда, аз қисми болои cap то охири дум шонаи шоҳин дорад ва баданашон бо пулакчаҳо пӯшида шудааст. Гатгерия дандоначаҳои якхела ва чашмони сиёҳи нағз инкишофёфта дорад. Милки чашмонаш ҳаракатнок аст.
Гаттерия дар лонаи паррандаҳои сохилӣ якчоя зиндагӣ карда. ба паррандаҳо ва тухми онҳо зарар намерасонад. Хӯроки гаттерия ҳар гуна кирму нармбаданхо ва ҳашарот мебошад. Афзоиши гаттерия дар баҳор cap шуда, вай одатан аз 8 то 17 адад тухм мегузорад. Тухмашро ба ягон чуқурчаи хушки тайёр монда, болои онро мепӯшонад, ки ин яке аз аломатҳои ғамхорӣ ба насл аст. Инкишофи тухм нобаробар аз 12 то 14 моҳ давом мекунад. Насли гаггерия ниҳоят дер калон шуда, танҳо дар 20-солагӣ қобилияти наслдиҳӣ пайдо мекунад. Гаттерия дар айни замон фақат дар Зеландиян Нав боқӣ мондааст.