МЕТАГОНИМОЗ

МЕТАГОНИМОЗ, як навъ бемории киҷҷавист аз гурӯҳи трематодозҳо. Ангезандааш – Metagonimus yokogawai. Дарозии гелминт 1,0 – 2,5 мм мешавад; дар рӯдаи борики саг, гурба, баъзе ҳайвоноти ваҳшӣ ва одам зиндагӣ мекунад. Ҳомили мобайнии онҳо нармбаданҳои оби ширин, ҳомилони иловагӣ бошанд, моҳиҳои дарёҳо (зағорамоҳӣ, гулмоҳӣ ва ғ.) мебошанд. Одам ҳангоми истеъмоли моҳии хом сироят меёбад. М. бо дилбеҳузурӣ, дарди шикам, исҳол падид меояд.
Барои пешгирии М. моҳиро пеш аз истеъмол нағз пухтан лозим аст.