Tarbiyai farzand

Tarbiyai farzand

Vaqte ki farzand haftruza meshavad, boyad ki uro nomi neku  nihand va bad az on mui sarashro taroshand, agar imkon doshta boshand, baroi pisar du gusfand va baroi dukhtar yak gusfand bikushand.

Dar hadisi Rasul (s) omadaast, ki chun farzand az shikami modar zoda shavad, bo har torai mui u maraze (kasal) meoyad. Boyad, ki mui sari uro bargirand va ba vazni on muy sadaqa dikhand, to tifl az maraz najot yobad.

Bidon, ki farzandro bar padaru modar shash haq ast.

Avval on ki modari uro az joe nikoh kunad, ki mardum

farzandi uro az jihati pastii nasab sarzanish nakunand. Haqqi duyum on ast, ki uro nomi neku nihad va jakhd kunad to nome az nomhoi Rasul (s)-ro ba u binihad. Paygambar (s) farmudaand: harkiro se pisar oyad, yake az onhoro ba nomi man nom nanihad, ba durusty, ki bar man jafo kardaast.

Naql ast, ki fardoi qiyomat bandaero ba sui duzakh kashand farmon darrasad, ki ey maloikaho, in bandai maro nigoh dored, ki uro ba nazdi mo yak neki hast. Farishtagon guyand, ki on neki kadom ast? Farmon darrasad, ki u hamnomi habibi most Muhammad yo Ahmad yo Mahmud. Man sharm doram, ki hamnomi habibi khudro azob kunam.

Haqqi seyum on ast, ki uro Quron biyomuzand, ki fazilati Quron khondan bisyor ast va ahli Quron khosagoni Hudovandand.

Haqqi chahorum, on ki uro bo taomi halol parvarand, agar bo taomi harom parvarish kunand, luqmai harom dar nafsi u siroyat kunad va az vay korhoi noshoista dar vujud oyad.

Haqqi panchum on ast, ki uro az haftsolagi ba namoz farmoyand, to bar namoz odat girad, ki odati khurdsoli poydor buvad. Dar hadis omadaast, ki agar kudak dar dahsolagi namoz nakhonad, uro adab kunand, yane bizanand, to u namozkhon shavad.

Haqqi shashum, on ki uro ba ilm mashgul kunand va az nangi jaholat va zalolat birahonand, ki rastagori dar dunyo va okhirat ilm ast. Uro hunare ham omuzand. Harchand moli bisyor dori, farzandro hunar omuz, ki ruze uro ba kor oyad, zero ki moli dnpyo etimodro nashoyad.

Bidon, ki farzand amonatest dar dasti padaru modar va on dili pok chun gavhari nafis ast va naqshpazir va az hamai naqshho kholist; Va chun zamin ast, to har tukhme, ki dar vay afkani, biruyad. Agar tukhmi khayr afkani, ba saodati din va dunyo birasad va padaru modaru muallim dar on savob sharik boshand. Agar tukhmi bad afkani va uro bad-u bozguzori, har chi khohad kunad va bo har ki khohad nishinad va az u khayru saloh khohi va khizmatgori va haqguzori tama dori, goyati ablahi va khomtamai boshad. Dili u misli qogazi safed ast, ki dar u har chi navisi, qabul kunad, khoh rusi boshad, khoh tojiki. Baroi hamin kushish kuned, to chize navised, ki dar dunyovu qiyomat darmonda nashaved. CHunki paygambari Hudo (s) farmudaand, ki nigoh dored khudro va ahlu farzandoni khudro az otashi duzakh.

Imomi Azam rahmatullohu alayhi meguyad, ki farzandoni kofiron va juhudon ham tavallud shavand, to vaqti balogat dar imoni fitratand, yane dar imoni azali. Dar vaqte ki arvohhoi mo dar ruzi misoq akhdu paymon karda budand, ba hamon imon tavallud meshavand, leqin onhoro padaru modarashon majusi yo nasroni mekunand yo dar digar dinhoi botila megardonand. Inchunin farzandoni musalmononro dar holati khurdi padaru modar kadom tarafe, ki barand, mebarand.

Dar amri tarbiyati farzand pisar va dukhtar har du barobarand. Tarzi fikre, ki baze padaru modar dar borai farzandon dorand, chunonchi pisarro az dukhtar bolotar medonand, in fikri galat va az akhloqi insoni dur ast. Pisarro hej guna imtiyoze bar dukhtar nest, padar yo modar nametavonand ba khotiri pisar dili dukhtarro ranjonand.

Islom andeshai nodurustero, ki pisaronro bar dukhtaron bartari medodand, az bayn bardosht va baroi himoyati dukhtaron va jonibdori az onho ba padaron suporish dodaast.

Rasuli Hudo (s) farmud: behtarin farzandoni shumo dukhtaronand. Pisaron nematand az jonibi Hudovand bar padaru modar va dukhtaron boshand, hasana, yane neki.

Dar ruzi qiyomat Hudovand padaru modarro az nemat hisobot megirad va az hasana boshad, hisobot namedihand, balki savob megirand. Ba Paygambar (s) khabar rasonidand, ki SHumo dukhtar yofted. U bisyor khursand shuda guft, dukhtar gule ast, ki uro mebuyam va ruzii uro Hudovand medihad. Va farmudand on kase, ki se dukhtar yo se khoharro sarparasti kunad, bihisht bar u vojib gardad. Islom dastur medihad, ki agar padare hadiyae baroi farzandon biyorad, avval boyad, ki dukhtaronro bidihad, bad pisaronro, junki dili dukhtar bisyor nozuk ast va meranjad.  Bisyor noravo va zisht ast raftori on padare, ki dukhtarashro shalloqe bizanad va yo mushtu lagat bizanad.

Luqmoni Hakim meguyad: farzandi nokhalaf monandi mardi shashangushta ast, agar biburi, dard kunad va agar naburi, ayb buvad.

Mavlono Muhiddini Honi meguyad: ruze dar shahre vaz meguftam va dar haqqi padaru modar sukhan meraft. Pisare barkhost va giryon shuda guft: yo Mavlono, chi mefarmoed dar haqqi farzande, ki rishi padarro bigirad va chub bar sari padar zanad.

Guftam: az padar chi kor omukhtaast?

Guft: kharboni..

Guftam: jurmi avval az tarafi padar ast, ki uro dar khurdi ba maktab nafiristodaast, to ilmu adab va shariatro biyomuzad va bo solihon suhbat kunad va bo padar bekhurmati nakunad va tazimi padar ba vojibi ado namoyad. Ammo chun az kudaki ba kharboni odat karda boshad, chub bar sari padar zada, gumon mekunad, ki bar sari khar mezanad.

*  *

Nadoni, ki suhbat asar mekunad,

Ki behurmati bo padar mekunad.

Pas farzandro az torikii nodoni ba rushnoii ilm biovar, ki ilm fakhrastu jahl – op.

Farzand to ba balogat rasidanash agar toatu ibodat kunad, ham ba ibodat kardan odat mekunad va ham ibodati uro dar nomai amoli padaru modarash menavisand.

Agar uro ba nazdi olime barad va u Bismillohir- rakhmonir-rakhimro yod girad, Hudoi taolo padaru modar va  ustodi uro az otashi duzakh najot medihad.

Ovardaand, ki yak shakhsi buzurg az guristone meguzasht, ba ilmi hol did, ki shakhse ba azobi kabr giriftor ast. Badi chanl muddate guzarash boz ba hamin guriston aftod, did, ki mard az azob khalos shuda dar rohat ast. Dar taajjub monda az khazrati Hudovand talab kard, ki sababi az azob khalos shudani mardro ba man malum namo. Nidoe shunid, ki in shakhs dar dunyo amali neke nadosht, az hamin jihat ba azob giriftor bud, lekin bad az vafotash az u farzande ba dunyo omad. Modarash uro ba nazdi olime burd va u Bismillohir- rakhmonir-rahimro yod girift Hudoi taolo ba barakati khondani pisarash uro az azobi qabr khalos kard.

Barodaron va khoharoni muhtaram, bubined, ki ba sababi az oyoti Quron khondani farzande, ki u az padar yatim monda bud. Hudoi taolo padari uro az azobi qabr ozod kard. Agar padaru modar khudashon dar holati hayotiyashon farzandro kuronkhon kunand va az qafoi vay sarfu kharj kunand, pas chi kadar ajru savob megirand, khudaton fikr kuned.

Dar in mavzu sukhanho bisyor ast, lekin baroi shakhsi bofahm hamin ham kifoya ast.

Hudovando, hamai moro ba sui rohi rost hidoyat namuda, ba guftakhoi kitob amal kardanro nasibu ruzi gardoni. Omin.

Ey zi  khokat ofarida, khokiyo, hushyor shav,

Hok budi, khok gardi, dar miyon hushyor shav.