Nati Mahzunii Rashnagi (pah)

Ey oftobi ruyat rashki guli tar omad,
Az qomatat khijolat sarvu sanavbar omad.
Dar vosifi jamolat «Va-sh-shams»-u «Va-z-zukhoho»,
Andar sifoti muyat «Va-l-layl»-u anbar omad.
SHud rutbaat, ki bolo, farshi tu Arshi alo,
Asrori Haq taolo bo tu muyassar omad.
Avval zi tolibon, sarkhayli oshiqonat,
Fozil zi ummatonat Siddiqi akbar omad.
Duvvum, ki gasht yorat, Foruqi darradorat,
Binshast bar yasorat, kuffor abtar omad.
Bad az Umar, ki Usmon yori Habibi Haq shud,
Bar sahfai kitobat majmui daftar omad.
CHorum, ki Murtazo bud, amzodi Mustafo bud,
Koni sakhovatu jud, soqii Kavsar omad.
SHeri Hudost Haydar, Duldulnishinu safdar,
Barkand bobi Haybar, qotili Antar omad.
Bo nara kard yakson on qalai Muqotil,
Virdi zaboni on shah «Allohu akbar» omad.
Mahzun, guzasht davron, raftand hamnishinon,
Az karda shav pushaymon, umri tu bar cap omad.