QULFINAY

QULFINAY (Fragaria ananassa), qulfunay, giyohest bisyorsola. Poyaash to 30 – 35 sm qad mekashad. Bargash murakkab (sebarga); dar nugi har navdaash mugja mebandad. Gulash safed, mayda. Mevaash misli shohtut, marminjon, tamashk va shahtuti zamini buda, surkh bazan gulobi meshavad. Q.-ro baroi tarkhuri istifoda mebarand. Az on murabbo va nushoba tayyor mekunand. Dar tarkibi mevai Q. qand, kislotahoi organiki, kletchatka, moddahoi pektini, vitaminhoi S, E, V1, V2, V6, V15, karotin (provitamini A), mikroelementho mavjud ast.
Dar tibbi qadim Q. vositai muhimi parhezi, muqavvi va davobakhsh mahsub meshud. Tabiboni tibeti onro baroi peshgirii piri istifoda mekardand.
Tabiboni khalqi mevai taru khushk, afshura, barg va reshai Q.-ro hangomi bemorihoi gunoguni jigar (kholesistit, zardparvin, gepatiti kuhna, dardi sangi talkhadon), rohi medayu rudaho (gastrit va enterokoliti muzmin, bavosir va g.), uzvhoi peshob (qabziyati peshob, dardi sangi masona), inchunin dar mavridi tablarza (chun davoi araqovar), kamkhuni, tarbod, niqris va g. istifoda mebarand. Bo afshurai Q. dogi kunjitak va garmicharo meravonand. Bahri raf namudani buyi nokhushi dahon bo afshurai meva va bargi Q. gargara mekunand. Bo naqei bargi Q. shukufa va jarohati rimnokro tarbandi menamoyand. Mevai Q.-ro baroi tabobati niqris, nazlai meda, qabziyat, galayoni khun, ateroskleroz, aftodani kirmho ba kor mebarand. Bo marhami mevai Q. shukufaro darmon mebakhshand. Jushobi mevai khushki on vositai araqovar va peshobron, jushobi reshaash vositai khunband va qabziyatovar ast.
Dar tibbi ilmi mevai Q. ba sifati gizoi parhezi, ishtihoovar, hozim va khunofar, hangomi bemorihoi gunoguni meda, jigar, dilu ragho (miokard, bemorii ishemiyai dil, kardioateroskleroz, galayoni khun), kamkhuni, ikhtiloli mubodilai namak va niqris tavsiya doda meshavad. Ashkhose, ki uzvhoi peshobashon sang dorad, boyad az jushobi meva va bargi Q. istifoda kunand. Ruze to 1 kg istemol namudani mevai Q. dardi sangi gurda va niqrisro davo mebakhshad.
Ad.: Vekhov V. n. (va dig.), Kulturnie rasteniya SSSR, M.. 1978; Jizn rasteniy, t. 5 (2), M., 1981; N u r a l i e v YU., Lekarstvennie rasteniya, D., 1988.