Home / Ilm / CHORMAGZ dar Kanzi SHifo (Kitob)

CHORMAGZ dar Kanzi SHifo (Kitob)

chormagz-660x330CHormagz — in samari darakhtest, ki malum meboshad. Mizoji samari chormagzi tar, ki rasida boshad, garmi va khushkiash kamtar ast. Badi khushk shudan garmi va khushkiash ziyoda megardad va rutubatash mekohad. Mizoji chormagzi khushk dar darajai duvum garm va dar yakum khushk ast.

Hislathoi shifobakhshi on: khurdanash gizoi bisyor sabuk ast, darunro muloim mekunad, akhloti galizro tahlil medihad, quvvati boh mebakhshad, biduni hazm daf shudani gizoro dar meda isloh menamoyad va man mesozad; uzvhoi raisaro, ki iborat az dil, mayna, jigar, meda, khoyaho va gurda meboshand, qavi megardonad; hamai panj hissi botiniro, ki markazash dar mayna ast, quvvat mebakhshad, khususan bo mavizi bedona va anjiri zard bikhurand, in felash beshtar zohir megardad, pironro bisyor foram va muvofiq ast.

Magzi chormagzro bo anjir yakjo kufta, az on 45 gramm bikhurand, daruni sakhtgashtaro muloim mekunad. Agar khushkashro tanho ba dili nahor bikhurand, qayro oson mekunad. CHormagzro bo pustash biryon karda, bad magzashro bikhurand, baroi surfa, ki az havoi khunuk ba ham rasida boshad, davo megardad.

CHormagzro bo anjir va sudob bikhurand, gazandi zahrhoro meshikanad. khoh pesh az zahrolud shudan bikhurand va khoh bad az on. Magzi chormagzro bikhurand, dardi rudahoro sokin mekunad va zakhmi rudahoro shifo mebakhshad. Magzi chormagzro mahin kufta, muttasil  ba chashm guzoshta bandand, baroi jushishi khorishnok, shilpuqi va obravii chashm davo meshavad.

CHormagzro sukhta, magzi onro kufta, zanho az tag bardorand, hayzi bejoravandai onhoro man mekunad. Agar onro bo asal, namak va piyoz sirishta guzoshta bandand, gazidani sagi devonaro naf dorad. CHun magzi chormagzro bo zirai siyoh mahin soida, bo asal sirishta, ba sar va badani bemori folij (shal shudani nimai badan ba darozi), ruyash kajshuda, giriftoroni dardhoi bugumhoi az sardi ba amal omada, tabhoi khunuki balgamii kuhnadoshta bimolandu dar hammom yo dar oftob va dar khonai garme ba palosi garme bo hamon tarafi mukholifi illati folij va barjomonda va inchunin, digar bemori boshad, ba pusht bikhobandu dar kurpai serpakhta khudro bipechandu to khub araq omadan sabr kunand, bad badanro bo matoi khushk pok karda, az zeri on baroyand, badani khudro az rasidani havoi khunuk ehtiyot kunand, obi sard nanushand, dar yak yo du dafa az bemori najot meyoband. Va agar dar hammom in kor ba amal ovarda shavad, luch shuda ba khonai garmash ravand va davoi mazkurro garm karda, ba sar va tamomi badan bimoland, dar illathoi folij va kaj shudani ruy ba tarafi mukholifi illat bikhobandu on miqdor sabr kunand, ki khub araq oyad, bad badani khudro pok karda, obro mutlaqan istemol nafarmoyandu baroyand va az havoi berun khudro nigoh dorand, sihat meyoband.

Taru tozai onro kufta guzoshta bandand, dogi az zarba ba amal omadaro nest mekunad; agar bimoland, dogi kunjidakro daf mesozad va kashida shudani mushaki ruyro ba isloh meovarad. Magzi chormagzro hangomi dili nahor budan khoida bimoland, shukufai pustro dar kudakon va varami savdoviro, ki zakhm shuda boshad, shifo mebakhshad. Magzi kuhnashudai onro hangomi dili nahor budan khoida, ba obravii muttasili chashm, gonagarayo (gangrena), jamra (karbunkul),  shukufai pusti kudakon, pechishi asab, jingak shudani uzv va ragkashii poho, ki az khushki va sardi sar zada boshad, inchunin ba girdak-girdak muyi rekhtai sar va rish va ba varami piston bimoland, hamai onhoro sihat mebakhshad. Magzi kuhnai onro sukhta, bo zift (qatron) sirishta bimoland, reshhoi sarro daf mesozad.

Magzi chormagz az boisi nozukii tarkibi khud va ravgannokiash zud vayron meshavad, yane talkh va zararnok megardad. Magzi chormagzro bisyor bikhurand, kirmi kadudonai (solityori) shikamro ikhroj mekunad va gadudhoi bodomshakli halkumro varam mekunonad, dar dahon jushishhoro ba amal meovarad, khususan in hodisot dar odamoni garmmizoj beshtar ruy medihad, zero ki ba garmmizojon zarar dorad. Binobar hamin badi onro khurdan boyad dahonro khub bishuyand va anori maykhushro bimakand va sikanjabin (sirkoasal) bikhurand, in zararash isloh meshavad.

Agar tami magzi chormagz talkh va manfur gashta boshad, khurdani on joiz nest, zero vay dar on holat ba zahr tabdil meyobad. Va agar in navashro khurda boshand, ilojash qay kardan va chizhoi tursh khurdan ast. Magzi chormagzi solimro bo asal murabbo karda bikhurand, gurdaro farbeh mekunad. Modome ki gurda farbeh gardad, on qavi meshavad va dar on sang paydo nameshavad va inchunin, quvvati mardi bazarba megardad. Hurdani murabboi on darunro muloim mekunad va kurrudaro purquvvat mesozad.

Magzi chormagzro yak shabonaruz dar sirko tar karda, bad bikhurand, baroi medahoi zaif darmon meshavad. SHilmi khushki chormagzro os karda biposhand, zakhmhoi badfiolro (zlokachestvennie yazvi) shifo mebakhshad. Usorai pusti sabzi beruni chormagz, yane obi pusti beruni chormagzro dar oftob gafs gardonida, bad bo obi anor yakjo jushonida, gafs gardonida boshand, baroi varami mushakhoi halq davoi ajibest.

chormagz-2-300x190Pusti sabzi chormagzro dar ob jushonida, bo on ob dahonro chayqonand, varamhoi milki dandonro tahlil medihad va dandonro mustahkam megardonad. Puchoqi khushki chormagzro mahin kufta, ba jarohatho biposhand, onhoro khushk mekunad. Hunraviro man mekunad, inchunin, chakmezakro, ki az sustii mushakhoi peshobguzar ba amal omada boshad, sihat mebakhshad. In ordakro bo sharob khamir karda, zanho az tag bardorand, khunravii bachadonro man megardonad.

CHun az 13 to 25 gramm pusti reshai chormagzro dar yak nushidani ob jushonida, on obro bad az pur gashtani meda az khurok, bar boloyash binushand, qay meovarad, bo in vosita akhloti chaspaki bisyorro daf mesozad . CHun pusti beruni chormagzro dar holati taru tozagiash bikuband va bar on rimi ohanro os karda biposhandu har ruz bar ham zanand va bikovand, in baroi muyro siyoh kardan rangi neku va bardavom megardad. Inchunin, chun bo rimi ohani kuftagi va sirko bijushonand, bad to yak hafta dar oftob guzorand, har ruz bar ham mezada boshand, pas muyro rang kunand, in qavitar ast az avvala.

Pusti sabzi samari chormagzro ba shukufahoi pust va sabusaki sar bimoland, foida mekunad. Agar inro ba dandon bimoland, milki dandonro sakht va khudi dandonro mustahkam megardonad. Pusti tari reshai chormagzro har panj ruz yak marotiba ba dandon bimoland, magzi sarro az moddahoi begona pok mesozad. Obi bargashro nimgarm dar gush chakonand, onro az chirk pok mekunad.

Obi puchoqi sabzu tozai chormagzro dar zarfe bo asal yakjo to gafs shudan jushonida, bad bimoland, baroi dardi shadidi gulu, ki az jam shudani khun dar on jo hodis shuda boshad, jushishi (pukhtani) dahan, khunravii bekhi dandon va ba sustii dandonho doru meboshad, dar in khislat davoi bemisl ast. Pusti sabz va taru tozai samari chormagzro bo hamvazni on bargi hino kufta bimoland, nazlahoi az sar furoyandaro man mekunad; dardi sari kuhna, dardi nimsar, folij va digar dardhoi az sardi hodisshavanda, monandi niqris (podagra) va gayraro shifo mebakhshad.

Pustlokhi khushki darakhti chormagzro bo suhon tarosha karda, bad onro bo sirko khamir sokhta bimoland, ruyro surkh megardonad, bo zift (qatron) khamir karda, ba har uzv, ki bimoland, onro qavi mekunad. Agar in taroshai suhoniro chand ruz dar ravgani zaytun tar karda, bad bar badan bimoland nameguzorad, ki dar badan shapush paydo gardad va agar inro bikhurand, baroi illathoi sipurz darmon meshavad.

Dar fasli khazonrezi mozuro dar ravgani zaytun to siyoh shudan bijushonand, bad sof namuda, dar shishae rekhta, bekhi darakhti chormagzro kushoda, reshaero az on barovarda, sarashro burida partofta, nugi on resharo ba daruni shisha darorand ba hadde, ki dar ravgan boshadu ba tagi shisha narasad. Soni atrofi dahani onro khub mahkam kunandu az nav khokpush namoyand. Hamon tavr guzorand to zamone, ki on darakht ba samar oyad. Pas shisharo az in jo barovarand, dar on shisha chize siyoh, monandi siyohii khattoti khohad bud. On rangi bisyor neku ast va muddathoi daroz asari on boqi memonad. Inro ehtiyoji ba muy molidan nest, balki faqat shonaro dar on tar sokhta, bar muy kashidan kofi meboshad, ki muyro siyoh gardonad. In az asrori tibbi qadim ast. In rangro pesh az baromadani muy dar hammom bar har du khoyaho bimoland, monei ruyidani muyi safed megardad.

Muvofiqi baze qavlho agar dar soyai darakhti chormagz bikhoband, badanro logar megardonad va devonai hushboydoda dar zeri darakhti on bikhobad, hushyor meshavad. CHun khohand, ki magzi chormagzro az pusti nafisi on magz judo namoyand, dar ord andokhta, dar zarfe andak biryon kunandu bad bo dast bimoland, pusti on judo megardad. Ravgani az in guna magz giriftashuda dar khislat monandi magzi kuhnai on ast. Agar az ravgani in har ruz 10,5 gramm to yak hafta biyoshomand, dardi surinro daf mekunad. In ravgan baroi odamoni sardmizoj va bemorihoi az khunuki paydoshuda foida mebakhshad. In ravganro bimoland, baroi reshhoi khuranda, nosurhoi chashm, muloim kardani asabho, taskin dodani dardhoi az khunuki ba amal omada, daf gardonidani shukufai pust va ruyonidani muy ba johoi girdak-girdak muyrekhtai sar va rish davo meboshad. Agar inro dar bini birezand, kaj shudani ruy, folij va jingak shudani uzvhoro naf dorad.

Инчунин кобед

afandi

LATIFAHO

TUYONA OYAD… SHakhse ba dustash uzr ovard:j – Bubakhsh, man ba tuyat rafta nametavonam. Vay …