BULUT

BULUT (Quercus), darakhtest khudruy va bogi. B. darakhti qadbaland (35 – 40 m) ast; qutrash 1 – 1,5 m; 500 (baze namudhoyash to 2000) sol umr mebinad. Tanaash rost, badi 30 – 35 sol bo pustlokhi khokistarrangi tira pushida meshavad. Bargash parmonand, gulash maydai judojinsa; barobari kushoda shudani bargho meshukufad. B. badi 15 – 60 sol bor meorad. Mevaash yaktukhma, qahvarangi kushod. B. darakhti rushnoidust buda, dar surati ba shokhu navdahoi boloiash rasidani oftob khub numu meyobad. Dar har guna khok ruida, ba beobi tobovar ast.
Pustlokhi B. dar tib istifoda meshavad. Jushobi pustlokhi khushki Q. robur ba iltihobi dahonu halq (gingivit, stomatit, angina) va sukhtagi shifo mebakhshad. Tabiboni khalqi bo pustlokhi B. puchaki gardan va khunshorii zakhmro tabobat mekunand; jushobi on baroi darmoni zakhm va khunravii meda, hayzi bardavom, darunravi, rakhit, chakmezaki va g. naf dorad. Pustlokhi B.-ro dar ob tar karda, poyhoro meshuyand (araqi poro nest mekunad). Tukhmi B.-ro kufta hangomi bemorii shoshadon va ishol kor mefarmoyand. Agar samari B.-ro bikhurand, isholro mebandad, khunraviro bozmedorad, baroi bejo shudani dil davo meboshad, beikhtiyor ravon gashtani peshob, chakmezak va suzishi peshobro daf mekunad. Agar onro sukhta, kufta, guzoshta bandand, yo mahin soida biposhand, pukhtani dahon va reshhoi davandaro bartaraf mesozad. Bargi B.-ro kufta guzoshta bandand, jarohati navro ba ham meovarad. Hokistari chubi onro bimoland, dandonro pok va safed megardonad, agar ba reshhoi khuranda guzoshta bandand, shifo mebakhshad. Az chalguzahoi B. qahvai suni megirand, ki davoi khubi amrozi rohi medayu rudaho, rakhit, kamkhuni va zafarmai kudakon ast. On baroi bemoroni asab niz naf dorad.