Теги: Ҳикмат

Реше даруни ҷома доштам ва шайх ҳар рўз аз он бипурсидӣ, ки чун аст ва напурсидӣ, ки куҷост. Донистам, ки аз он эҳтироз мекунад, ки зикри ҳама узве раво набошад ва хирадмандон гуфтаанд: «ҳар кӣ (дар) гуфтор сухан насанҷад, аз ҷавобаш биранҷад!». То нек надонӣ, ки сухан айни савоб аст, …

Ҳар кӣ дар пеши сухани дигарон афтад, то мояи фазлаш бидонанд, яқин, ки пояи ҷаҳлаш шиносанд. Надиҳад марди хушманд ҷавоб, Магар он гаҳ к-аз ў суол кунанд. Гарчи барҳақ бувад мизоҷи сухан, Ҳамли даъвеш бар муҳол кунанд.

Ҳилми шутур, чунон ки маълум аст, агар тифле маҳолаш гирад ва сад фарсанг барад, гардан аз мутоабаташ напечад. Аммо агар дарае ҳавлнок пеш ояд, ки муҷиби ҳалок бошад ва тифл он ҷо ба нодони хоҳад шудан, зимом аз кафаш даргусалонад ва ҳеҷаш мутоваат накунад, ки ҳангоми дуруштӣ мулотифат дўст нагардад, …

Ҳар ки бо бадон нишинад, агар низ табиати эшон дар ў асар накунад, ба тариқати эшон муттаҳам гардад ва гар ба харобате равад ба намоз кардан, мансуб шавад ба ҳамр хўрдан. Рақам бар худ ба нодонӣ кашидӣ, Ки нодонро ба сўҳбат баргўзидӣ. Талаб кардам зи донное яке панд, Маро фармуд: …

Хилъати султон агарчи азиз аст, ҷомаи хулқони худ баиззаттар ва хони бузургон агарчи лазиз аст, хурдаи анбони худ балаззаттар. Сирка аз дастрранҷи хешу тара Беҳтар аз нони деҳхудову бара!

Бу касро ҳасрат аз дил нараваду пои тағобун аз гил барнаёяд: тоҷири кишитишикаставу вориси бо қаландарон нишаста. Пеши дарвешон бувад хунат мубоҳ, Гар набошад дар миён молат сабил. Ё марав бо ёри азрақпираҳан, Ё бикаш бар хонумон ангушти нил. Дўсти бо пилбонон ё макун, Ё талаб кун хонае дархурди пил!

Эй, ба солус карда ҷома сапед Баҳри пиндори халқу ҷома сиёҳ, Даст кўтоҳ бояд аз дуньё, Остини худ дарозу худ кўтоҳ.

Талмизи беиродат ошиқи безар асту равандаи бемаърифат мурғи бепар ва олими беамал дарахти бебару зоҳиди беилм хонаи бедар. Мурод аз нузули «қуръон» таҳсили сирати хуб аст на тартили сураи мактуб. Омин мутааббид пиёда рафтаасту олими мутаҳовин вора хуфта. Осие, ки даст (ба) бар дорад беҳ аз обид, ки кибр дар …

Мардаке хушкмағзро дидам Рафта дар пўстини соҳибҷоҳ, Гуфтам: «Эй хоҷа, гар ту бадбахтӣ, Мардуми некбахтро чӣ гуноҳ?» *** Ало, то нахоҳӣ бало бар ҳасуд, Ки он бахтбаргашта худ дар балост. Чӣ ҳоҷат, ки бо ў кунӣ душманӣ, Ки ўро чунин душмане дар қафост

Дин ба дунёфурўшон харанд, Юсуф бифўрушанд, то чӣ харанд. Ба қавли душман паймони дўст бишкастӣ. Бубин, ки аз ки буридию бо кӣ пайвастӣ!