Ҳорун -ар-Рашидро чун мулки Миср муссалам шуд, гуфт:
– Ба хилофи он тоғӣ, ки ба ғурур малики Миср даъвои худоӣ кард, набахшам ин мамлакатро магар ба хасистарини бандагон.
Саёҳе дошт номи ў Хазиб. Мулки Миср ба вай арзони дошт ва гуянд: «Ақлу дирояти ў то ба ҷое буд, ки тоифаи хурроси Миср шикоят овардандаш, ки пунба кошта будем бар канори Нил ва борон бе вақт омаду талаф шуд». Гуфт: «Пашм боисти коштан». Ҳаким гуфт:
Агар рўзи ба дониш дарфузуд,
Зи нодон тангрўзитар набудӣ.
Ба нодонон чунон рўзи расонад.
Ки доно андар он оҷиз бимонад.
***
Бахту давлат ба кордони нест,
Ҷуз ба таъйиди осмони нест.
Уфтодааст дар ҷаҳон бисёр
Бетамиз-арҷманду оқил-хор
Қиёмигар ба ғусса мурдаву ранҷ,
Аблаҳ андар хароба ёфта ганҷ.