Н ИЗОМӢ130

Низоми Ганҷави  фазоилу камолоти вай равшан, эҳтиёҷ ба шарҳ надорад. Он қадар латоифу дақоиқу ҳақоиқ, ки дар китоби «Панҷ ганҷ» дарҷ кардааст, касро муяссар нест, балки мақдури ¹³¹ навъи башар нест. Ва берун аз он китоб аз вай шеър кам ривоят кардаанд ва ин ғазал аз суханони вай аст:

Ғаз а л

Ҷав ба ҷав меҳнати ман з-он рухи гандумгун аст,

Ки ҳама шаб рухи чун коҳам аз он пурхун аст.

Донаи гандуми ў сунбули тар дорад бор,

Камтарин хўшаи ў Сунбулаи ¹³² гардун аст.

Аз тарозуи ду зулфаш чу ҷаве мушк харам,

Гандуме хоҳам афзун, ки сухан мавзун аст.

Ман чу гандум шудаам аз ғами ў ба ду ним

В-ин ғам ўро ба яке ҷав, ки Низомӣ чун аст.