МОНОХЛОРАМИН

МОНОХЛОРАМИН, хокаи кристаллии сафед ё зардчатобест, ки андак бӯи хлор дошта, дар об ва спирт ҳал мешавад. Чун моддаи тамйизӣ барои тоза кардани фарши бино, либосу ҷойпӯши сафед, зарфҳо, бозачаҳои бачагон, ванна, дастшӯякҳо ва унитаз истифода мешавад. Барои тамйизи либосу ҷойпӯш ва зарфҳо онҳоро як соат дар маҳлули М. нигоҳ доштан баъд нағзакак обгардон кардан лозим аст. Фарш, деворҳои рангмолида ё кошикорӣ, инчунин дастшӯяк, ванна ва унитазро бо латтае, ки дар маҳлули М. тар карда шудааст, тоза мекунанд. М.-ро дар ҷои торик ва дар зарфи даҳонбаста нигоҳ бояд дошт.