МОДЕЛ

МОДЕЛ, номи умумии чанд намуди пиёзи худрӯй (A. oltissimum, A. elatum, A. giganteum, A. karataviense, A. rosenbachianum, A. stipitatum), ки ҳамчун хӯриш ва дар таом истифода мекунанд. М. барги калони нештаршакл ё тасмамонанди сабз ё баъзан ашҳабӣ (диаметраш 2 – 10 см) дорад. М.-ро ба ҳар гуна таом (моделоба, умоч, угро, шӯла, мастоба ва ғ.) меандозанд ё бо ҷурғот, чакка, мурчу қаранфул ва монанди инҳо хӯриш тайёр мекунанд. М. сервитамин (махсусан витамини С) буда, барои организми одам хеле муфид аст. Истеъмоли оши М. қабзиятро рафъ сохта, дарунро тоза мекунад.