Пайвастагиҳои органикӣ ба ҳисоби миёна 20-30%-и массаи ҳуҷайраҳои организми зиндаро ташкил медиҳанд. Ба онҳо полимерҳои биологӣ–сафедаҳо, кислотаҳои нуклеинат ва ангиштобҳо, инчунин чарбҳо ва баъзе молекулаҳои хурдгормонҳо, пигментҳо, АТФ ва ғайра мансуб мебошанд.
Дар намудҳои гуногуни ҳуҷайраҳо миқдори пайвастагиҳои органикӣ як хел нест. Дар ҳуҷайраҳои растанӣ ангиштобҳои мураккаб-полисахаридҳо бартарӣ доранд; дар ҳайвонот сафедаҳо ва чарбҳо зиёданд. Бо вуҷуди ин, дар ҳар кадом намуди ҳуҷайра ҳар як гурўҳи моддаҳои органикӣ амалҳои монандро иҷро менамоянд.