МАСТОДИНИЯ

МАСТОДИНИЯ (Mastodynia), синадард, дард кардани пистон бар асари бемориҳои гуногуни ғадуди шир. Дар бисёр ҳолатҳо М. бемориест, ки дар рӯзҳои муайян – дар давраи қабл аз ҳайз падид меояд. Сабаби М. ихтилоли тағйироти гормонӣ дар организм мебошад.
Барои муолиҷаи М. қабл аз ҳама сабаби онро ошкор кардан лозим аст. Истифодаи доруҳои гормонии зидди ҳамл, психотерапия, машқҳои ҷисмонӣ, обутоби организм, давоҳои пешоброн ва ғ. нафъ дорад; истеъмоли нӯшокиҳоро бояд маҳдуд кард.