КОКАИН

КОКАИН, як навъ алкалоид. Таъсири беҳисгардонӣ ва мухаддирӣ дорад. Дар баробари дигар алкалоидҳо дар таркиби буттаи кокаин (Erythroxylum coca) мавҷуд аст. Бинобар таъсири нашъаовар доштанаш баргҳои кокаро мардуми таҳҷоии Америкаи Ҷанубӣ солҳои дароз истифода мебурданд. К.-е, ки аз баргҳои ин растанӣ ҳосил карда мешуд, аз с. 1859 дар амалияи тиб истифода мегашт. Вале дар оғози а. 20 ҷои онро пурра доруҳои нави замонавӣ гирифтанд. Феълан К. дар амалияи тиб кор фармуда намешавад.
К. баъди афюн дуввумин моддаи мухаддире аст, ки ҳаёти миллионҳо нафарро ба доми марг андохтааст.