ҚИЗИЛҶИГЛА

ҚИЗИЛҶИГЛА, чашмаи минералӣ дар ноҳ. Мурғоб. Тақр. 45 км ҷанубтари ағбаи Оқбайтал, дар водии д. Сасиқсу ҷой гирифтааст. Баландиаш аз с. б. 4500 м. Дебиташ 0,3 л/сон, минералнокиаш 2,42 г/л, ҳарор. обаш +4 – +70С. Таркибаш аз калсий (448 мг/л), магний (153 мг/л), сулфатҳо (1392 мг/л), гидрокарбонатҳо (293 мг/л), хлоридҳо (11,0 мг/л), ангидриди озоди карбон (67 мг/л) ва кислотаи силикат (54,0 мг/л) иборат аст. Он барои муолиҷаи бемориҳои узвҳои хунгард, ҳаракат, системаи асаб, пӯст ва узвҳои ҷинсӣ тавсия карда мешавад.
Ад.: Бобоходжаев И. Я., Давлатмамадов Ш. М., Лечебные минеральные источники Памира, Д., 1994.