КЕРАТОМАИ ПИРСОЛӣ

КЕРАТОМАИ ПИРСОЛӣ (Keratoma senile), кератопапиллома, озахи пирсолӣ, озахҳое, ки дар давраи солхӯрдагӣ дар пӯст пайдо мешаванд. Андозаи онҳо 1 – 2 см буда, боляшон бо қабати шохини дорчинӣ ё зардчатоб фаро гирифта шудааст. Сабаби пайдоиши К. п. ихтилоли шуға бастани пӯст мебошад. К. п.-ро ба бемориҳои қаблиомосӣ мансуб медонанд. Озахҳо ягон-ягон ё гурӯҳ-гурӯҳ дар пӯсти рӯй, гардан, пушти панҷа пайдо мешаванд (инкишофи онҳо суст аст). Дар сурати маҷбуран кандани пулакчаи шохин аз зери он хун меравад.
К. п.-ро бо ҷарроҳӣ, криотерапия ва марҳамҳои махсус табобат мекунанд. Озахҳоро аз соиш хӯрдан, лат ёфтан ва нури офтоб ҳифз бояд кард, вагарна мумкин аст хусусияти саратонӣ касб намоянд.